ആസ്റ്ററും ക്വാളിറ്റി കെയറും ലയിക്കുന്നു; ഇന്ത്യയിലെ ഏറ്റവും മികച്ച ആശുപത്രി ശൃംഖലകളിലൊന്നാകും
കൊച്ചി: മലയാളിയായ ഡോ. ആസാദ് മൂപ്പന്റെ നേതൃത്വത്തിലുള്ള ആശുപത്രിശൃംഖലയായ ആസ്റ്റർ ഡി.എം. ഹെൽത്ത് കെയറും പ്രമുഖ നിക്ഷേപക സ്ഥാപനങ്ങളായ ബ്ലാക്സ്റ്റോൺ, ടി.പി.ജി. എന്നിവയുടെ ഉടസ്ഥതയിലുള്ള ക്വാളിറ്റി കെയർ ഇന്ത്യ ലിമിറ്റഡും ലയിക്കുന്നു. ഇരുകമ്പനികളുടെയും ഡയറക്ടർ ബോർഡ് യോഗം ചേർന്ന് ലയനത്തിന് അനുമതി നൽകി.
കൊച്ചിയും ബെംഗളൂരുവും കേന്ദ്രമായി പ്രവർത്തിക്കുന്ന ആസ്റ്റർ ഡി.എം. ഹെൽത്ത്കെയറിന് 15 നഗരങ്ങളിലായി 19 ആശുപത്രികളും 13 ക്ലിനിക്കുകളും 212 ഫാർമസികളും 232 ലാബുകളുമാണ് ഉള്ളത്. ഇന്ത്യയ്ക്ക് പുറത്തുള്ള ബിസിനസുകൾ ഈയിടെ വിഭജിച്ചിരുന്നു. ഹൈദരാബാദ് ആസ്ഥാനമായുള്ള കെയർ ഹോസ്പിറ്റൽസിലും തിരുവനന്തപുരം ആസ്ഥാനമായുള്ള കിംസ് ഹെൽത്തിലും ഓഹരിപങ്കാളിത്തമുള്ള കമ്പനിയാണ് ക്വാളിറ്റി കെയർ. ഇതിന് 26 ഹെൽത്ത്കെയർ സെന്ററുകളിലായി 5,150 കിടക്കകളുണ്ട്.
ലയിച്ചൊന്നാകുന്ന കമ്പനി ആസ്റ്റർ ഡി.എം. ക്വാളിറ്റി കെയർ ലിമിറ്റഡ് എന്ന പേരിലാകും അറിയപ്പെടുക. 57.3 : 42.7 അനുപാതത്തിലായിരിക്കും ലയനം. അതായത്, ആസ്റ്ററിന്റെ ഓഹരിയുടമകൾക്ക് എല്ലാംകൂടി കമ്പനിയിൽ 57.3 ശതമാനവും ക്വാളിറ്റി കെയറിന്റെ ഓഹരിയുടമകൾക്ക് 42.7 ശതമാനവും ഓഹരിയാകും ഉണ്ടാകുക. ആസ്റ്ററിന്റെ പ്രമോട്ടർമാരായ ഡോ. ആസാദ് മൂപ്പനും സംഘത്തിനും 24 ശതമാനം ഓഹരിയുണ്ടാകും. ബ്ലാക്സ്റ്റോണിന് 30.7 ശതമാനവും.
ഡോ. ആസാദ് മൂപ്പൻ എക്സിക്യുട്ടീവ് ചെയർമാനായി തുടരും. ക്വാളിറ്റി കെയറിന്റെ ഗ്രൂപ്പ് എം.ഡി. വരുൺ ഖന്നയായിരിക്കും എം.ഡി.യും ഗ്രൂപ്പ് സി.ഇ.ഒ.യും. ആസ്റ്റർ, കെയർ ഹോസ്പിറ്റൽസ്, കിംസ്ഹെൽത്ത്, എവർ കെയർ എന്നീ നാലു ബ്രാൻഡുകളായിരിക്കും കമ്പനിക്ക് കീഴിലുണ്ടാകുക. കിംസ്ഹെൽത്ത് ഉൾപ്പെടെയുള്ള ബ്രാൻഡുകളിലെ നിലവിലുള്ള നേതൃനിര തുടരും. ആരോഗ്യപരിരക്ഷാ രംഗത്തെ പ്രസ്ഥാനങ്ങൾ ലയിച്ച് ഒന്നാകുന്നത് ഈ രംഗത്തെ വലിയ ശക്തിയായി മാറാൻ സഹായിക്കുമെന്ന് ആസ്റ്റർ സ്ഥാപകനും എക്സിക്യുട്ടീവ് ചെയർമാനുമായ ഡോ. ആസാദ് മൂപ്പൻ പറഞ്ഞു. നിക്ഷേപക സ്ഥാനപങ്ങളുടെ കൂടി പിന്തുണ അതിന് കരുത്തേകുമെന്നും അദ്ദേഹം വ്യക്തമാക്കി.
അടുത്ത സാമ്പത്തിക വർഷം (2025-26) മൂന്നാം പാദത്തോടെ ലയനം പൂർത്തിയാകുമെന്നാണ് വിലയിരുത്തുന്നത്. ഇരുകമ്പനികൾക്കും കൂടി മൊത്തം 42,000 കോടി രൂപയാണ് മൂല്യം കൽപ്പിച്ചിരിക്കുന്നത്. ഇതിനിടെ, ആസ്റ്റർ ഡി.എം. ഹെൽത്ത്കെയറിന്റെ ഓഹരിവില വെള്ളിയാഴ്ച 2.35 ശതമാനം ഉയർന്ന് 499.95 രൂപയിൽ വ്യാപാരം അവസാനിപ്പിച്ചു. ഏഴുമാസം മുൻപ് വില 558.30 രൂപ വരെയെത്തിയിരുന്നു.
രോഗി കേന്ദ്രീകൃത പരിചരണം, നവീകരണം, പ്രവേശനക്ഷമത എന്നിവയില് പുതിയ മാനദണ്ഡങ്ങള് സ്ഥാപിച്ചുകൊണ്ട് വ്യവസായത്തിലെ ഏറ്റവും വലിയ ഹെല്ത്ത് കെയര് സ്ഥാപനമായി മാറാന് ഒരുങ്ങുകയാണ് 'ആസ്റ്റര് ഡിഎം ക്വാളിറ്റി കെയര് ലിമിറ്റഡ്'. ജിസിസിയിലും ഇന്ത്യയിലും ഏകദേശം നാല് പതിറ്റാണ്ടിന്റെ നേതൃപാടവമുള്ള ആസ്റ്റര് രണ്ട് മേഖലകളിലെയും ഏറ്റവും വലിയ ആരോഗ്യ സംരക്ഷണ നേതാക്കളില് ഒരാളായി തുടരുന്നു. ആസ്റ്ററിന്റെ ഇന്ത്യ, ജിസിസി ബിസിനസുകള് കൈകാര്യം ചെയ്യുന്നതില് നിര്ണായക പങ്കുവഹിച്ച മൂപ്പന് കുടുംബം പുതിയ ലയന സ്ഥാപനത്തെയും നയിക്കും. അങ്ങനെ മികവുറ്റ ശക്തികള് സംയോജിപ്പിച്ച് തങ്ങളുടെ കാല്പ്പാടുകള് വികസിപ്പിക്കുക മാത്രമല്ല, ആരോഗ്യ സംരക്ഷണ ലാന്ഡ്സ്കേപ്പിനെ പുനര്നിര്മ്മിക്കാന് കഴിവുള്ള ഒരു പരിവര്ത്തന ശക്തി സൃഷ്ടിക്കുകയും ചെയ്യുന്നു.
ആസ്റ്റര് ആന്ഡ് ക്വാളിറ്റി കെയറിന്റെ വിപുലമായ ശൃംഖലയുടെ സംയോജനവും ബ്ലാക്ക്സ്റ്റോണിൻ്റെയും ടിപിജിയുടെയും പിന്തുണയോടെയുള്ള ആഴത്തിലുള്ള പ്രവര്ത്തന വൈദഗ്ധ്യവും - ഏറ്റവും ആദരണീയമായ സ്വകാര്യ ഇക്വിറ്റി സ്ഥാപനങ്ങളില് ലോകോത്തര ആരോഗ്യ സേവനങ്ങള് നല്കാനും നവീകരണം നടത്താനും രോഗികളുടെ ഫലങ്ങള് മെച്ചപ്പെടുത്താനുമുള്ള കഴിവ് വര്ദ്ധിപ്പിക്കും. ആസ്റ്റര് ഡിഎം ഹെല്ത്ത്കെയറിന്റെ സ്ഥാപകനും ചെയര്മാനുമായ ഡോ. ആസാദ് മൂപ്പന് പറഞ്ഞു. കൂടാതെ ഈ സഹകരണം തങ്ങളുടെ മെഡിക്കല് പ്രൊഫഷണലുകള്ക്ക് ഉയർന്നതും വൈവിധ്യപൂര്ണ്ണവുമായ രോഗികളെ പരിചരിക്കാനുമുള്ള അവസരവും നല്കും എന്നും അദ്ദേഹം കൂട്ടിച്ചേര്ത്തു.
ആരോഗ്യ സംരക്ഷണ മേഖലയില് ഇന്ത്യയിലെ മുന്നിര പ്ലാറ്റ്ഫോമുകളിലൊന്ന് സൃഷ്ടിക്കാന് തങ്ങള് പ്രതിജ്ഞാബദ്ധരാണെ് ബ്ലാക്ക്സ്റ്റോൺ പ്രൈവറ്റ് ഇക്വിറ്റിയുടെ ഏഷ്യാ മേധാവി അമിത് ദീക്ഷിത് പറഞ്ഞു. തങ്ങളുടെ ബിസിനസ്സ് വ്യാപ്തി, പ്രവര്ത്തന വൈദഗ്ദ്ധ്യം, ആഗോള ലൈഫ് സയന്സ് ഉള്ക്കാഴ്ചകള് എന്നിവ ഉപയോഗിച്ച് പ്ലാറ്റ്ഫോം വളര്ത്താനും അതിന്റെ കാല്പ്പാടുകള് വികസിപ്പിക്കാനും ലോകോത്തര ആരോഗ്യ സംരക്ഷണ സ്ഥാപനമായി വികസിപ്പിക്കാനും കഴിയും. തങ്ങളുടെ മൂല്യങ്ങളും ശക്തമായ ഭരണ മാനദണ്ഡങ്ങളും പങ്കിടുന്ന മൂപ്പന് കുടുംബവുമായി പങ്കാളിയാകാന് സന്തുഷ്ടരാണ്. വരുൺ ഖന്ന ഒരു മികച്ച നേതാവാണെന്നും സംയുക്ത സ്ഥാപനം കെട്ടിപ്പടുക്കാൻ സഹായിക്കുമെന്നും തങ്ങള് വിശ്വസിക്കുന്നു.
''ആഗോള ആരോഗ്യ സംരക്ഷണത്തില് മികച്ച നിലവാരം സ്ഥാപിക്കുക എന്നത് ആസ്റ്ററിലെ മാര്ഗ്ഗനിര്ദ്ദേശ മുദ്രാവാക്യമാണ്. ഇന്ത്യയില് കഴിഞ്ഞ 10 വര്ഷമായി ആസ്റ്ററിന്റെ ത്വരിതഗതിയിലുള്ള വളര്ച്ച, ആഴത്തിലുള്ള ക്ലിനിക്കല് നേതൃത്വത്തെയും വിപണി ആവശ്യകതയോട് പ്രതികരിക്കാനും നിറവേറ്റാനുമുള്ള കഴിവും എടുത്തു കാണിക്കുന്നു. സേവന മികവിന്റെ ഉയര് നിലവാരം സംയോജിപ്പിച്ച് ക്ലിനിക്കല് ഫലങ്ങള്ക്കായി മാനദണ്ഡങ്ങള് സ്ഥാപിക്കുന്നത് തങ്ങളുടെ മുഖമുദ്രയാണ്. ബ്ലാക്ക്സ്റ്റോണിൻ്റെയും ടിപിജിയുടെയും പിന്തുണയുള്ള ക്വാളിറ്റി കെയറുമായുള്ള ഈ ലയനത്തിലൂടെ ആരോഗ്യ സംരക്ഷണ നിലവാരം ഉയര്ത്തുന്ന ശക്തമായ ഒരു ശക്തിയാണ് സൃഷ്ടിക്കപ്പെടുന്നത്",. ആസ്റ്റര് ഡിഎം ഹെൽത്ത്കെയറിൻ്റെ ഡെപ്യൂട്ടി മാനേജിംഗ് ഡയറക്ടര് അലീഷ മൂപ്പന് പറഞ്ഞു:
ആഗോളതലത്തില് ബ്ലാക്ക്സ്റ്റോണിൻ്റെ പ്രധാന നിക്ഷേപ തീം ലൈഫ് സയന്സാണ്. ക്വാളിറ്റി കെയറിലെ പരിവര്ത്തനാത്മകമായ ഒരു ഹോസ്പിറ്റല് ചെയിന് പ്ലാറ്റ്ഫോം ഉള്പ്പെടെയുള്ള ഒരു സവിശേഷമായ ഹെല്ത്ത് കെയര് പ്രൈവറ്റ് ഇക്വിറ്റി പ്രാക്ടീസ് തങ്ങള് ഇന്ത്യയില് നിർമ്മിച്ചിട്ടുണ്ട്. ആസ്റ്ററും ക്വാളിറ്റി കെയറും തമ്മിലുള്ള പങ്കാളിത്തം രോഗികള്ക്കും ഡോക്ടര്മാര്ക്കും ജീവനക്കാര്ക്കും സമൂഹത്തിനും ഷെയര്ഹോള്ഡര്മാര്ക്കും കാര്യമായി പ്രയോജനം ചെയ്യുമെന്ന് പ്രതീക്ഷിക്കുന്നു. മികച്ച ഇന്-ക്ലാസ് ഇന്ഫ്രാസ്ട്രക്ചറിലെയും സാങ്കേതികവിദ്യയിലെയും നിക്ഷേപങ്ങളിലൂടെ രോഗി പരിചരണവും അനുഭവപരിചയവും മെച്ചപ്പെടുത്തുന്നതിലും ഉയര് നിലവാരത്തിലുള്ള പരിചരണം ഞങ്ങൾ നൽകുന്നുവെന്ന് ഉറപ്പാക്കുന്നതിലും ഞങ്ങളുടെ ശ്രദ്ധ കേന്ദ്രീകരിക്കുന്നു. ബ്ലാക്ക്സ്റ്റോൺ പ്രൈവറ്റ് ഇക്വിറ്റിയിലെ സീനിയര് മാനേജിംഗ് ഡയറക്ടര് ഗണേഷ് മണി പറഞ്ഞു:
ആഗോളമായും ഇന്ത്യയിലും ടിപിജി പ്രമേയപരമായ ശ്രദ്ധാകേന്ദ്രമാണ്. ആരോഗ്യ സംരക്ഷണം, ഇന്ത്യയിലെ മികച്ച 3 മള്ട്ടി-സ്പെഷ്യാലിറ്റി ഹോസ്പിറ്റല് ശൃംഖലകളില് ഒന്ന് സൃഷ്ടിക്കുന്നതിന് ക്വാളിറ്റി കെയറിന്റെ ആസ്റ്ററുമായുള്ള പങ്കാളിത്തം കാണുന്നതില് തങ്ങള്ക്ക് സന്തോഷമുണ്ട്. ടിപിജി ഇന്ത്യയിലെ ഹോസ്പിറ്റല് വിഭാഗത്തില് ദീര്ഘകാല നിക്ഷേപകനാണ്, കൂടാതെ ക്ലിനിക്കല് ഫലങ്ങളും രോഗികളുടെ സുരക്ഷയും മെച്ചപ്പെടുത്തുന്നതിനായി തുടര്ച്ചയായ ഗുണനിലവാര മെച്ചപ്പെടുത്തലിന്റെയും സ്റ്റാന്ഡേര്ഡ് കെയറിന്റെയും അടിത്തറയുള്ള ആരോഗ്യ സംരക്ഷണ സ്ഥാപനങ്ങള് നിര്മ്മിക്കുന്നതില് ശ്രദ്ധ കേന്ദ്രീകരിച്ചിരിക്കുന്നു. ടിപിജിയുടെ മുതിര്ന്ന ഉപദേഷ്ടാവ് വിശാല് ബാലി പറഞ്ഞു
Content Highlights: Aster DM Healthcare and Quality Care India Ltd. merge to create a leading healthcare platform in Ind