പ്രിയങ്കാ ചോപ്രയുടെ യു.എസിലെ റസ്റ്റൊറന്റ് സന്ദര്ശിച്ച് കത്രീന കൈഫും വിക്കി കൗശലും
ബോളിവുഡ് താരദമ്പതിമാരായ കത്രീന കൈഫും വിക്കി കൗശലും യു.എസ്. ട്രിപ്പിലാണ് ഇപ്പോള്. ഇഷ്ടപ്പെട്ട ഭക്ഷണം കഴിച്ചും സിനിമകള് കണ്ടും സംഗീതനിശകളില് പങ്കെടുത്തും യു.എസ്. ട്രിപ്പ് ആഘോഷമാക്കുകയാണ് ഇരുവരും. ഇതിനിടെ ബോളിവുഡിന്റെ ഇഷ്ടതാരമായ പ്രിയങ്കാ ചോപ്രയുടെ ന്യൂയോര്ക്കിലുള്ള റസ്റ്റൊറന്റ് സന്ദര്ശിച്ചിരിക്കുകയാണ് കത്രീനയും വിക്കിയും.
സോന എന്നു പേരിട്ടിരിക്കുന്ന റസ്റ്റൊറന്റ് സന്ദര്ശിച്ചതിന്റെ ചിത്രം കത്രീന ഇന്സ്റ്റഗ്രാമില് പങ്കുവെച്ചിട്ടുണ്ട്. റസ്റ്റൊറന്റിന്റെ സഹ ഉടമസ്ഥന് മനീഷ് കെ. ഗോയലിനൊപ്പം നില്ക്കുന്ന ചിത്രമാണ് കത്രീന ഇന്സ്റ്റഗ്രാമില് സ്റ്റോറി രൂപത്തില് ഷെയര് ചെയ്തിരിക്കുന്നത്. പ്രിയങ്കാ ചോപ്രാ.. നിങ്ങള് ചെയ്യുന്നതെല്ലാം എല്ലായ്പ്പോഴും അതിശയകരമാണ്-ചിത്രം പങ്കുവെച്ച് കത്രീന കുറിച്ചു.
കത്രീനയുടെ സ്റ്റോറിയുടെ സ്ക്രീന്ഷോട്ട് പ്രിയങ്കയും തന്റെ ഇന്സ്റ്റഗ്രാം പേജില് സ്റ്റോറിയായി പങ്കുവെച്ചിട്ടുണ്ട്. നിങ്ങള് റെസ്റ്റൊറന്റ് സന്ദര്ശിച്ചതില് സന്തോഷമുണ്ടെന്നും ഏത് സമയത്തും നിങ്ങളെ സോന സ്വാഗതം ചെയ്യുന്നുവെന്നും പ്രിയങ്ക ചിത്രത്തോടൊപ്പം കാപ്ഷനായി കുറിച്ചു. കത്രീനയുടെയും വിക്കിയുടെയും ചിത്രം സോന റെസ്റ്റൊറന്റിന്റെ ഇന്സ്റ്റഗ്രാം പേജിലും പങ്കുവെച്ചിട്ടുണ്ട്.
Content Highlights: karina kaif, vicky kaushal, sona resturant, newyork, priyanka chopra