ട്രംപിനെ രക്ഷിക്കുന്നതിനിടെ സുരക്ഷാ ഉദ്യോഗസ്ഥർ ചിരിച്ചോ? | Fact Check

അമേരിക്കൻ മുൻ പ്രസിഡൻറ് ഡോണൾഡ് ട്രംപിനെതിരായ വധശ്രമവുമായി ബന്ധപ്പെട്ട് സമൂഹമാധ്യമങ്ങളിൽ പലതരം ഗൂഡാലോചനാ സിദ്ധാന്തങ്ങൾ പ്രചരിക്കുന്നുണ്ട്. അക്രമിയുടെ രാഷ്ട്രീയ പശ്ചാത്തലത്തെക്കുറിച്ചാണ് ചിലതെങ്കിൽ മറ്റൊന്ന് വധശ്രമം മുൻകൂട്ടി തയ്യറാക്കി നടത്തിയ നാടകമാണെന്ന തരത്തിലാണ്. ഈ നാടക വാദത്തെ സാധൂകരിക്കുന്ന തരത്തിൽ ഒരു ചിത്രവും പ്രചരിക്കുന്നുണ്ട്. വെടിവെപ്പുണ്ടായ സമയം സീക്രട്ട് സർവ്വീസ് ഉദ്യോഗസ്ഥർ ട്രംപിനെ രക്ഷപ്പെടുത്താൻ ശ്രമിക്കവെയുള്ളതാണ് ഈ ചിത്രം. പ്രചരിക്കുന്ന ഫോട്ടോയിൽ ഉദ്യോഗസ്ഥരെല്ലാം ചിരിക്കുന്നത് കാണാം. ഇതിൽനിന്നു നടന്നത് അപ്രതീക്ഷിത സംഭവമല്ലെന്ന് മനസ്സിലാക്കാമെന്ന തരത്തിലാണ് പ്രചാരണങ്ങൾ.