10,000 ഏക്കർ; ഏഷ്യയിലെ ഏറ്റവുംവലിയ ജംഗിൾ സഫാരി ഒരുക്കാൻ ഹരിയാണ

ന്യൂഡൽഹി: ഏഷ്യയിലെ ഏറ്റവും വലിയ ജം​ഗിൾ സഫാരികളിലൊന്ന് ഒരുക്കാൻ പദ്ധതിയുമായി ഹരിയാണ. ആരവല്ലി മലനിരകളിലാകും ജം​ഗിൾ സഫാരിയൊരുങ്ങുക. വിനോദസഞ്ചാര മേഖലയിലുണ്ടാവുന്ന കുതിപ്പിനൊപ്പം വന്യജീവി സംരക്ഷണത്തിന് പദ്ധതി മുതൽകൂട്ടാകുമെന്നാണ് വിലയിരുത്തപ്പെടുന്നത്. 10,000 ഏക്കറാണ് ജം​ഗിൾ സഫാരിക്കായി കണ്ടെത്തുന്നത്.

പദ്ധതി നടപ്പിലാക്കുന്നതിന്റെ ഭാ​ഗമായുള്ള വിവരശേഖരണത്തിന് മുഖ്യമന്ത്രി നയബ് സിങ് സെെനി, കേന്ദ്രമന്ത്രി മനോഹർ ലാൽ ഖട്ടാർ, വനംപരിസ്ഥിതി വന്യജീവി വകുപ്പ് മന്ത്രി റാവു നർബിർ സിങ് എന്നിവർ ​ഗുജറാത്തിലെ ജാംന​ഗറിൽ റിലയൻസ് നടത്തുന്ന മൃ​ഗപരിപാലന കേന്ദ്രമായ വൻതാര സന്ദർശിച്ചു. 

ആധുനിക സജ്ജീകരണങ്ങൾക്കൊപ്പം പരിസ്ഥിതി സൗഹാർദമായ വിനോദസഞ്ചാരത്തെയും പദ്ധതി പ്രോത്സാഹിപ്പിക്കുന്നു. പദ്ധതി തീർത്തും പരിസ്ഥിതി സൗഹാർദമായിരിക്കണമെന്ന്  വനം-പരിസ്ഥിതി വകുപ്പിന് നിർദേശം നൽകിയതായി മുഖ്യമന്ത്രി നയബ് സിങ് പ്രതികരിച്ചു. വനം, പരിസ്ഥിതി വകുപ്പും ടൂറിസം വകുപ്പം ചേർന്നാണ് പദ്ധതിക്ക് രൂപംനൽകുന്നത്. 

Content Highlights: asias largest jungle safari to built in haryana