‘ചിറകിൽ മൂക്ക്,പെണ്ണുങ്ങളുടെ സെക്‌സ് ഫെറോമോണുകൾ പിടിച്ചെടുക്കുന്ന ആന്റിനകൾ, ആകാശ ഇണചേരലിനിടയിൽ മരണം’

മൂക്കില്ലാത്തതിനാൽ പ്രാണികൾ മണമറിയുന്നത് പല വിധത്തിൽ ആണ്. ലോകത്തിലെ ഏറ്റവും കൃത്യതയുള്ള ഘ്രാണവ്യവസ്ഥകളിൽ (Olfactory System) ഒന്ന് അവയ്ക്കുണ്ട്. അതിൽ ഏറ്റവും പ്രധാനം അവയുടെ തലയിലെ ആന്റിനകൾ എന്ന് വിളിക്കുന്ന സ്പർശനികൾ ആണ്. വളരെ വ്യത്യസ്തമായ രൂപത്തിലും ഘടനയിലും വലിപ്പത്തിലുമുള്ളതാണ് ഓരോ തരം പ്രാണികളുടെയും ആന്റിനകൾ. തണ്ട് പോലുള്ളവ, ഗദപോലുള്ളവ, തൂവൽ പോലുള്ളവ, തെങ്ങോല പോലുള്ളവ ഒക്കെ കാണാം.

നിശാശലഭങ്ങൾ രാത്രികളിൽ ഇരുളിൽ പൂക്കളെ കണ്ടെത്താനും ഇണകളെ കണ്ടെത്താനും ഒക്കെ മണത്തെ ആണല്ലോ കാര്യമായി ആശ്രയിക്കുന്നത് . അതിനാൽ അവയിലെ ആൺ നിശാശലഭങ്ങളുടെ ആന്റിനകൾ പലതിനും നല്ല വലിപ്പവും വിതർച്ചയും ഉള്ളതായിരിക്കും. ആന്റിന കൂടാതെ അവയുടെ വായ്ഭാഗങ്ങളോട് ചേർന്നുള്ള മാക്‌സിലറി പാൽപ്പുകൾ എന്ന ചെറുഘടനകൾ ഭക്ഷണത്തിന്റെ മണം വളരെ അടുത്തുനിന്ന് തിരിച്ചറിയാൻ സഹായിക്കുന്നുണ്ട്.

Content Highlights: Moths possess sensory bristles on their wings that act as an accessory olfactory organ., A July 2026 study in the Journal of Experimental Biology by Max Planck Institute reveals wings help detect scents and plant characteristics., Scanning Electron Microscopy (SEM) identified sensory receptors like IR76b, IR8a, and IR7d on moth wings., This evolutionary adaptation helps moths quickly scan environments, locate mates, and find ideal host plants for laying eggs.