അന്നേ പിണറായി പറഞ്ഞു, മാണിയുടെ കാലശേഷം മകനെ കോണ്‍ഗ്രസുകാര്‍ ചവിട്ടിപ്പുറത്താക്കുമെന്ന്

1987-ല്‍ കേരള കോണ്‍ഗ്രസ് നടുവെ പിളര്‍ന്നു. കേരള കോണ്‍ഗ്രസ് മാണിഗ്രൂപ്പും ജോസഫ് ഗ്രൂപ്പും അങ്ങനെ രൂപം കൊണ്ടു. ചരല്‍ക്കുന്നില്‍ നടന്ന പാര്‍ട്ടി പഠന ക്യാമ്പിലായിരുന്നു തുടക്കം. 'സത്യത്തിന് ഒരു അടിക്കുറിപ്പ്' എന്ന പേരില്‍ ഒരു ലഘുലേഖ ക്യാമ്പില്‍ അവതരിപ്പിച്ച് പി.ജെ. ജോസഫ് നടത്തിയ പ്രസംഗം കെ.എം. മാണിക്കെതിരെയുള്ള ശക്തമായൊരു വെല്ലുവിളിയായി. ജോസഫിനൊപ്പംനിന്ന യുവനേതാക്കളായ ഡിജോ കാപ്പന്‍, ജോസഫ് എം. പുതുശ്ശേരി, പി.സി. ജോസഫ് എന്നിവരായിരുന്നു ലഘുലേഖ തയ്യാറാക്കി അച്ചടിച്ച് രഹസ്യമായി ചരല്‍ക്കുന്ന് ക്യാമ്പിലെത്തിച്ചത്. കെ.എം. മാണിയുടെ നേതൃശൈലിക്കെതിരെ ആഞ്ഞടിച്ച് പി.ജെ. ജോസഫും കൂട്ടരും വേര്‍പിരിഞ്ഞു.

ചരല്‍ക്കുന്നില്‍ കേരള കോണ്‍ഗ്രസ് രണ്ടാവുമെന്ന് അന്ന് 'മാതൃഭൂമി' പ്രധാന വാര്‍ത്തയാക്കിയിരുന്നു. 'സത്യത്തിന് ഒരു അടിക്കുറിപ്പ്' എന്ന ലഘുലേഖ അച്ചടിച്ച പ്രസില്‍നിന്ന് പ്രൂഫ് നോക്കാനെടുത്ത കോപ്പി, ഡിജോ കാപ്പന്‍ രാത്രി 'മാതൃഭൂമി' കോട്ടയം ഓഫീസില്‍ എത്തിക്കുകയായിരുന്നു. പിന്നീട് ഇടതുമുന്നണിയിലേക്ക് നീങ്ങിയ കേരള കോണ്‍ഗ്രസ് 2010 വരെ അവിടെ തുടര്‍ന്നു. 1996-ലെ ഇ.കെ. നായനാര്‍ ഗവണ്‍മെന്റില്‍ വിദ്യാഭ്യാസം, പൊതുമരാമത്ത് എന്നീ രണ്ടു പ്രധാന വകുപ്പുകളാണ് പി.ജെ. ജോസഫിനുണ്ടായിരുന്നത്.

Content Highlights: kerala congress jose k mani pj joseph split intervention of pinarayi vijayan