തള്ളിലുണ്ട് ഒന്നാന്തരമൊരു കരിയർ ഗുട്ടൻസ്; സെല്ഫ് പ്രമോഷന് മോശം കാര്യമല്ല | Career Tips-01
സ്വന്തത്തെക്കുറിച്ച് പറയാന് പലര്ക്കും മടിയാണ്,
എന്നെക്കുറിച്ച് എന്ത് പറയാനാണ്?
എന്നെക്കുറിച്ച് ഞാന് പറയുന്നത് ശരിയാണോ?
ഞാന് തള്ളുകയാണെന്ന് കരുതില്ലേ?
അഹങ്കാരമായിപ്പോവില്ലേ?
ഒരു ബ്രാന്ഡ് ആകാന് മാത്രം ഞാന് വളര്ന്നോ? തുടങ്ങി ഒരുപാട് സംശയങ്ങളാണ്.
ആന്ഡി മാറ്റുഷാക്കിന്റെ 'Working with the garage door up' എന്ന ഒരു ആശയമുണ്ട്. നിങ്ങള് ഒരു ഗ്യാരെജിനകത്തിരുന്നാണ് ജോലി ചെയ്യുന്നതെങ്കില് അതിന്റെ വാതിലുകള് തുറന്ന് വെച്ച് ജോലി ചെയ്യുക...! നിങ്ങള് ചെയ്യുന്ന ജോലി നാലു പേര് കാണട്ടെ! എന്തെങ്കിലും വലിയ നേട്ടങ്ങളുണ്ടാക്കി വലിയ നിലയിലെത്തിയ ശേഷം മാത്രം നാലാളറിഞ്ഞാല് പോരേ എന്ന സംശയമുണ്ടാകാം, എന്നാല്, സ്വയം പ്രമോഷന് എന്നത് ജീവിതത്തിന്റെ ഏതു ഘട്ടത്തിലും ചെയ്യാവുന്നതാണ്. അതൊരിക്കലും ഒരു മോശം കാര്യവുമല്ലെന്നും മനസ്സിലാക്കിക്കൊള്ളുക. നിങ്ങള് ഇപ്പോള് എവിടെയാണോ എത്തി നില്ക്കുന്നത് അവിടെ എത്താന് നിങ്ങള് നടത്തിയ പരിശ്രമങ്ങളെ അംഗീകരിക്കുക, നിങ്ങളുടെ വിജയത്തിന്റെ ഓരോ ഘട്ടവും നിങ്ങള് ആസ്വദിക്കുക, കൂടെ നിങ്ങളുടെ നേട്ടങ്ങളെക്കുറിച്ച് പുറംലോകത്തെ അറിയിക്കുക.
Content Highlights: importance of self marketing and self branding, education column,maathrubhumi