സ്വർണക്കക്കൂസ് മുതല്‍ നൂറ് കിലോ തൂക്കമുള്ള സ്വര്‍ണനാണയം വരെ; ഇന്നും കണ്ടെത്താനാവാത്ത ലോകമോഷണങ്ങള്‍
ലോകത്തെ ഞെട്ടിച്ച ഏറ്റവും വലിയ പകല്‍ക്കൊള്ളകളിലൊന്നായിരുന്നു കഴിഞ്ഞ ഞായറാഴ്ച പാരീസിലെ ലൂവ്ര് മ്യൂസിയത്തില്‍ നടന്ന മോഷണം. നെപ്പോളിയന്‍ ഒന്നാമന്‍റെയും മൂന്നാമന്‍റെയും കാലത്തുള്ള ഒന്‍പത് അമൂല്യ ആഭരണങ്ങള്‍ മോഷ്ടാക്കള്‍ കടത്തിക്കൊണ്ടുപോയപ്പോള്‍ അതിന്റെ മൂല്യമായി കണക്കാക്കുന്നത് ഏകദേശം 10.2 കോടി ഡോളറാണ് (ഏകദേശം 894 കോടി രൂപ). മോഷണം നടന്നിട്ട് നാല് ദിവസം കഴിഞ്ഞിട്ടും മോഷ്ടാക്കളെ കുറിച്ച് ഒരു വിവരവും അന്വേഷണ ഉദ്യോഗസ്ഥര്‍ക്ക് ലഭിച്ചിട്ടില്ല. ഇതോടെ ലോകം ശ്രദ്ധിച്ച മോഷണ പരമ്പരകളുടെ ഒടുവിലത്തെ അധ്യായമായും ലൂവ്ര് മ്യൂസിയത്തിലെ മോഷണം മാറി.
ലൂവ്ര് മ്യൂസിയത്തില്‍ ഇതാദ്യമായല്ല മോഷണം നടക്കുന്നത്. 1911-ലായിരുന്നു ആദ്യത്തേത്. മ്യൂസിയത്തിലെ ഏറെ ശ്രദ്ധേയവും വിലമതിപ്പേറിയതുമായ മൊണാലിസ ചിത്രമായിരുന്നു അന്ന് മോഷണം പോയത്. മ്യൂസിയം ജീവനക്കാരനായിരുന്ന വിന്‍സെന്‍സോ പെരുഗിയ ആയിരുന്നു മോഷ്ടാവ്. മ്യൂസിയത്തിന് അകത്തേക്ക് കടന്ന പെരുഗിയ ചിത്രം കോട്ടിനുള്ളിലാക്കുകയും പുറത്തേക്ക് കൊണ്ടുപോവുകയുമായിരുന്നു. മോഷണം നടന്ന് രണ്ടുവര്‍ഷത്തിന് ശേഷം ഫ്ളോറന്‍സില്‍ വച്ചാണ് ഈ ചിത്രം പിന്നീട് തിരിച്ചുകിട്ടിയത്. ഇതിനു പുറമെ മറ്റ് മോഷണ ശ്രമങ്ങളും ലൂവ്രില്‍ നടന്നു. മോഷണം നടന്നിട്ട് വര്‍ഷങ്ങളായിട്ടും ഇന്നും തിരിച്ചു കിട്ടാത്ത ഏറെ ശ്രദ്ധേയമായ മറ്റ് ചില ഉദാഹരണങ്ങളും ലോകത്തിന് മുന്നിലുണ്ട്. ലൂവ്രിന്റെ പശ്ചാത്തലത്തില്‍ ഇതുകൂടി ചര്‍ച്ചയാവുകയാണ്.
Content Highlights: Explore history`s most daring daylight robberies and unsolved heists, including the Louvre, Isabella Stewart Gardner Museum, and the Blenheim Palace gold toilet