എറണാകുളത്ത് ദമ്പതിമാരെ മണ്ണെണ്ണയൊഴിച്ച് തീ കൊളുത്തിയ ശേഷം അയല്വാസി തൂങ്ങിമരിച്ചു
കൊച്ചി: എറണാകുളം വടുതലയില് ദമ്പതിമാരെ മണ്ണെണ്ണയൊഴിച്ച് തീകൊളുത്തിയ ശേഷം അയല്വാസി ആത്മഹത്യ ചെയ്തു. വടുതല സ്വദേശി ക്രിസ്റ്റഫര്, ഭാര്യ മേരി എന്നിവരെയാണ് കൊലപ്പെടുത്താന് ശ്രമം ഉണ്ടായത്. ഇവരെ ആക്രമിച്ച വില്യംസ് എന്നയാളെ തൂങ്ങിമരിച്ചനിലയില് കണ്ടെത്തി. വടുതല ലൂര്ദ് ആശുപത്രിയ്ക്ക് തൊട്ടടുത്താണ് സംഭവം. വ്യക്തിവൈരാഗ്യമാണ് ആക്രമണത്തിന് കാരണമെന്നാണ് സൂചന.
പള്ളിപ്പെരുന്നാളിന് പോയി മടങ്ങുകയായിരുന്ന ദമ്പതിമാരെ സ്കൂട്ടര് തടഞ്ഞുനിര്ത്തിയാണ് വില്യം മണ്ണെണ്ണയൊഴിച്ച് തീകൊളുത്തിയത്. വാഹനവും ഭൂരിഭാഗം കത്തിനശിച്ചു. 50 ശതമാനത്തിലേറെ പൊള്ളലേറ്റ ക്രിസ്റ്റഫറിന്റെ നില ഗുരുതരമാണ്. ക്രിസ്റ്റഫറിനേയും മേരിയേയും ലൂര്ദ് ആശുപത്രിയില് പ്രവേശിപ്പിച്ചു.
ആക്രമണമുണ്ടായതറിഞ്ഞ് പോലീസ് വില്യംസിനെ അന്വേഷിച്ച് വീട്ടിലേക്കെത്തിയപ്പോഴാണ് വില്യംസിനെ തൂങ്ങിമരിച്ച നിലയില് കണ്ടെത്തിയത്. നേരത്തെയും ഇവര്ക്കിടയില് തര്ക്കങ്ങള് ഉണ്ടായിരുന്നതായി അയല്വാസികള് പോലീസിന് മൊഴി നല്കിയിട്ടുണ്ട്.
Content Highlights: A couple in Kochi`s Vaduthala was set on fire by a neighbor who later died by suicide