നമുക്ക് എല്ലാം ഗ്ലോബലാക്കണം; പക്ഷേ ടേസ്റ്റ് മാത്രം തനി നാടനാകണം

ഇഡ്ഡലിക്കട എന്ന തമിഴ് സിനിമയിലെ ശിവനേശന്‍ കട നടത്തുന്നത് ആളുകള്‍ക്ക് രുചികരമായ ഭക്ഷണം നല്‍കാന്‍ വേണ്ടിയാണ്. എന്നും രാവിലെ മുന്നുമണിക്ക് എഴുന്നേറ്റ് കുളിച്ച് ഭസ്മക്കുറിതൊട്ട് അമ്പലത്തില്‍ പോകുന്നതുപോലെയാണ് ഓലമേഞ്ഞ കടയിലേക്ക് പോകുന്നത്. അവിടെയെത്തി രണ്ട് മണിക്കൂറോളം അമ്മിക്കല്ലില്‍ അരിയും ഉഴുന്നും സ്വന്തം കൈകൊണ്ട് ആട്ടിയാണ് ഇഡ്ഡലി മാവ് തയ്യാറാക്കുന്നത്. പാരമ്പര്യമായി കൈമാറിക്കിട്ടിയ കൈപ്പുണ്യം കൂടിയാകുമ്പോള്‍ അയാള്‍ ഉണ്ടാക്കുന്ന വിഭവങ്ങള്‍ക്കെല്ലാം രുചിയൂറും.

ഉസ്താദ് ഹോട്ടലെന്ന സിനിമയിലെ കരീമിക്ക വയര്‍ നിറയ്ക്കുന്നതിനേക്കാള്‍ ആളുകളുടെ മനസ് നിറയ്ക്കുന്ന ഭക്ഷണമാണ് ഉണ്ടാക്കി വിളമ്പുന്നത്. പഠിക്കുന്ന കുട്ടികള്‍ക്ക് ഭക്ഷണം ശിവനേശന്‍ ഫ്രീയായിട്ടാണ് നല്‍കുന്നത്. ഉസ്താദ് ആകട്ടെ വളരെ മിതമായ നിരക്കേ ഭക്ഷണത്തിന് ഈടാക്കാറുള്ളൂ.

Content Highlights: Exploring the timeless conflict between traditional culinary passion and modern business expansion, featuring stories like Idlikkada & Ustad Hotel