സണ്ണി ജോസഫ് ചെയ്യേണ്ടത് | വഴിപോക്കൻ
കേരളം വെന്തുരുകുമ്പോൾ 2023 മെയ് പത്ത് മറക്കാനാവില്ല. അന്നാണ് കേരള സ്റ്റേറ്റ് ഇലക്ട്രിസിറ്റി റലഗുലേറ്ററി കമ്മീഷൻ (കെ.എസ്.ഇ.ആർ.സി.) 465 മെഗാവാട്ട് വൈദ്യുതി 25 കൊല്ലത്തേക്ക് കേരളത്തിന് ലഭ്യമാക്കിയിരുന്ന ദീർഘകാല കരാർ റദ്ദാക്കിയത്. ചെയർമാൻ ടി.കെ. ജോസും അംഗം എ.ജെ. വിത്സനും അടങ്ങിയ കമ്മീഷൻ കരാർ റദ്ദാക്കിയത് നടപടി ക്രമങ്ങളിലെ ലംഘനം ചൂണ്ടിക്കാട്ടിയാണ്. കേരളത്തെ ഇരുട്ടിലാഴ്ത്താനുള്ള വഴിയാണ് തങ്ങൾ വെട്ടിയൊരുക്കിയതെന്ന് ഇവർ ഇപ്പോൾ തിരിച്ചറിയുന്നുണ്ടോ എന്നറിയില്ല. കെ. കൃഷ്ണൻ കുട്ടിയായിരുന്നു അന്നത്തെ വൈദ്യുതി മന്ത്രി. കെഎസ്ഇആർസിയുടെ നടപടിക്ക് തുടക്കത്തിൽ കൃഷ്ണൻകുട്ടിയുടെ പിന്തുണ ഉണ്ടായിരുന്നു. എന്നാൽ, കേരളം വൈദ്യുതി പ്രതിസന്ധിയിലേക്ക് കൂപ്പുകുത്തിയതോടെ കൃഷ്ണൻകുട്ടി നിലപാട് മാറ്റി.
2013 ജനുവരിയിൽ ആര്യാടൻ മുഹമ്മദ് വൈദ്യുതി മന്ത്രിയായിരിക്കെ ആണ് ഉമ്മൻചാണ്ടി സർക്കാർ 25 കൊല്ലത്തേക്കുള്ള ദീർഘകാല കരാർ ഒപ്പിട്ടത്. കേന്ദ്ര സർക്കാർ ആയിടെ കൊണ്ടുവന്ന ഒരു പദ്ധതി പ്രയോജനപ്പെടുത്തിക്കൊണ്ടുള്ള കരാറായിരുന്നു അത്. ഒരു യൂണിറ്റിന് 4.29 രൂപയ്ക്ക് 465 മെഗാവാട്ട് ലഭ്യമാക്കുന്ന കരാർ. 2038 വരെ കരാറിന് സാധുത ഉണ്ടായിരുന്നു. കരാർ പ്രകാരം ജിണ്ടാൽ പവർ ലിമിറ്റഡ് 150 മെഗാവാട്ടും ജാബുവ പവർ ലിമിറ്റഡ് 215 മെഗാവാട്ടും ജിൻഡാൽ ഇന്ത്യ തെർമൽ പവർ ലിമിറ്റഡ് 100 മെഗാവാട്ടും കേരളത്തിന് നൽകണം. കെഎസ്ഇബി കരാർ ഒപ്പിട്ടത് തങ്ങളുടെ അനുമതി ഇല്ലാതെയാണ് എന്നതായിരുന്നു കെഎസ്ഇആർസിയുടെ എതിർപ്പിന്റെ അടിസ്ഥാനം.
Content Highlights: - In May 2023, the Kerala State Electricity Regulatory Commission (KSERC) canceled a 25-year contract for 465 MW of electricity due to procedural violations, leading to a significant power crisis in Kerala. The contract, initially signed in 2013 under the Oommen Chandy government, was intended to provide electricity at a rate of 4.29 rupees per unit until 2038, but its cancellation benefited private companies and resulted in a financial loss of 2130 crore rupees for Kerala. The Kerala government, recognizing the mistake, later directed the continuation of electricity procurement under the contract terms, but the situation highlighted the need for strategic planning and investment in alternative energy sources like solar and pumped storage to ensure energy security.