തിരഞ്ഞെടുപ്പ് കമ്മീഷൻ ഭരണകൂടത്തിന്റെ തുടർച്ചയാവുമ്പോൾ | വഴിപോക്കൻ

36 കൊല്ലം മുമ്പ് 1990 ഡിസംബറിലാണ് ചന്ദ്രശേഖർ സർക്കാർ ടി.എൻ. ശേഷനെ മുഖ്യ തിരഞ്ഞെടുപ്പ് കമ്മീഷണറായി (സി.ഇ.സി.) നിയമിച്ചത്. രാജീവ് ഗാന്ധി സർക്കാരിൽ കേന്ദ്ര ക്യാബിനറ്റ് സെക്രട്ടറിയായിരുന്ന ശേഷന് സി.ഇ.സി. പദവിയോട് വലിയ താൽപര്യമുണ്ടായിരുന്നില്ല. തിരഞ്ഞെടുപ്പ് കമ്മീഷൻ എന്നാൽ വലിയ പത്രാസും അധികാരവും ഒന്നുമില്ലാത്ത ഒരു വകുപ്പായിരുന്നു ആ നാളുകളിൽ. സി.ഇ.സി. പദവി ഏറ്റെടുക്കണോ എന്ന് ശേഷൻ രാജീവ് ഗാന്ധിയോടും അന്നത്തെ രാഷ്ട്രപതി വെങ്കട്ടരാമനോടും ആലോചിച്ചിരുന്നു. വേറെ നല്ല പണിയൊന്നും കിട്ടിയില്ലെങ്കിൽ മാത്രം മതി എന്നാണ് ഇരുവരും ശേഷനോട് പറഞ്ഞത്. പക്ഷേ, ശേഷൻ സി.ഇ.സി. ആകണമെന്ന് ചന്ദ്രശേഖർ സർക്കാരിൽ നിയമ മന്ത്രിയായിരുന്ന സുബ്രമണ്യൻ സ്വാമിക്ക് നിർബ്ബന്ധമായിരുന്നു. അങ്ങിനെയാണ് കാഞ്ചി പീഠാധിപതി ചന്ദ്രശേഖരേന്ദ്ര സരസ്വതിയുടെ ഉപദേശം ശേഷൻ തേടിയത്.

നല്ല മാന്യതയുള്ള പദവിയാണെന്നും ശേഷൻ സി.ഇ.സി. ആവണമെന്നും ചന്ദ്രശേഖരേന്ദ്ര സരസ്വതി പറഞ്ഞു. മാത്രമല്ല, കാഞ്ചീപുരത്തിനടുത്തുള്ള ഉതിരമേരൂർ ക്ഷേത്രത്തിൽ പോയി അവിടെയുള്ള ശിലാലിഖിതങ്ങൾ കാണണമെന്നും കാഞ്ചി മഠാധിപതി ശേഷനോട് ആവശ്യപ്പെട്ടു. ശേഷൻ ഉതിരമേരൂരിൽ പോയി ശിലാലിഖിതങ്ങൾ കണ്ടു. പത്താം നൂറ്റാണ്ടിൽ തമിഴകം ഭരിച്ചിരുന്ന ചോള രാജാക്കന്മാർ സുതാര്യമായ തിരഞ്ഞെടുപ്പ് സംവിധാനം നിലനിർത്തിയിരുന്നതിനെ കുറിച്ചായിരുന്നു ഉതിരമേരൂരിലെ ശിലാലിഖിതങ്ങളിൽ ഉണ്ടായിരുന്നത്. അതിന്റെ പത്തിലൊന്ന് നടപ്പാക്കാൻ ശേഷനായാൽ ആധുനിക ഇന്ത്യയ്ക്കുള്ള ശേഷന്റെ ഗംഭീര സംഭാവനയായിരിക്കുമെന്ന് ചന്ദ്രശേഖരേന്ദ്ര സരസ്വതി പറഞ്ഞു. ഈ വാക്കുകളുടെ ഉത്തേജനത്തിലാണ് സി.ഇ.സി. പദവി ഏറ്റെടുത്തതെന്ന് ശേഷൻ ആത്മകഥയിൽ എഴുതിയിട്ടുണ്ട്. വോട്ടർ തിരിച്ചറിയൽ കാർഡും മാതൃകാ പെരുമാറ്റച്ചട്ടവുമായി പിന്നീട് ശേഷൻ ഇന്ത്യയുടെ ജനാധിപത്യ പ്രക്രിയയിൽ കളം നിറഞ്ഞാടിയത് ചരിത്രമാണ്.

Content Highlights: T.N. Seshan's appointment as Chief Election Commissioner (CEC) in 1990 marked a significant shift in the Election Commission's role, transforming it into a powerful and independent body, with Seshan implementing voter ID cards and a model code of conduct. The Supreme Court's 2023 ruling on the appointment of election commissioners aimed to ensure the Election Commission's independence by including the Chief Justice in the selection panel, but the Modi government bypassed this by excluding the Chief Justice and including a central minister instead. Allegations of political influence and manipulation within the Election Commission have raised concerns about its independence and credibility, with recent controversies involving the appointment of CEC Gyanesh Kumar and changes to voter registration processes, prompting calls for reforms to restore trust in the institution.