ഈറ്റ് ദി റിച്ച്, ടാക്‌സ് ദി റിച്ച്; ശങ്കര്‍ദാസുമാരുടെ വേദനയ്ക്ക് എന്താണ് മരുന്ന്

ജുഹൂബീച്ചില്‍ വേദനതോന്നുമ്പോഴൊക്കെ പോയിരുന്ന് കടല്‍കാറ്റേറ്റ് ആ വേദന മാറ്റിയിരുന്ന ശങ്കര്‍ദാസിനെ മലയാളികള്‍ക്കൊക്കെ സുപരിചിതമാണല്ലോ. ശ്രീനിവാസന്‍ സൃഷ്ടിച്ച് കമല്‍ സംവിധാനം ചെയ്തു മമ്മൂട്ടി ജീവന്‍ നല്‍കിയ അഴകിയ രാവണനിലെ ശങ്കര്‍ദാസ്. ആ സിനിമയുടെ വണ്‍ലൈന്‍ തന്നെ ഒരു വേദനിക്കുന്ന കോടീശ്വരന്റെ കഥ എന്നതായിരുന്നത്രേ.

കോടീശ്വരന്മാര്‍ക്കും വേദനെയൊക്കെ വരും. കഴിഞ്ഞമാസം ദാവോസിലെ വേള്‍ഡ് ഇക്കണോമിക് ഫോറത്തിന് ഒത്തുചേര്‍ന്ന ലോക കോടീശ്വരന്മാരൊക്കെ ഒന്നിച്ച് പങ്കുവെച്ച വേദന എന്താണ് എന്നുവെച്ചാല്‍ ലോകത്തെ പട്ടിണിക്കും ദാരിദ്ര്യത്തിനും കാരണക്കാര്‍ തങ്ങളാണ് എന്ന് എല്ലാവരും പറയുന്നു എന്നതാണ്. ഇവരുടെ വേദന ചില്ലറയല്ല. ഇതേച്ചൊല്ലിയുള്ള അവരുടെ സങ്കടം കണ്ടാല്‍ നമ്മുടെ ചങ്കുപറിഞ്ഞുപോകും. സത്യം. ദാവോസില്‍ ഇവരുടെ സങ്കട കോണ്‍ക്ലേവ് നടക്കുമ്പോള്‍ പുറത്ത് പ്രക്ഷോഭങ്ങളും നടക്കുന്നുണ്ടായിരുന്നു. കോടീശ്വരന്മാരെ പ്രക്ഷോഭകരും വിമര്‍ശകരും ടേക്കേഴ്സ് നോട്ട് മേക്കേഴ്സ് എന്നാണ് വിശേഷിപ്പിക്കുന്നത്. അതായത് ലോകത്തെ ആളുകളുടെ കയ്യിലുള്ളതെല്ലാം പിടിച്ചുവാങ്ങിയാണ് കോടീശ്വരന്മാര്‍ കൊഴുത്തുവീര്‍ക്കുന്നതെന്ന്. എന്താല്ലേ.

Content Highlights: Exploring the guilt and anxieties of the world`s wealthiest, their impact on global poverty, and the