'ഈ പാട്ട് പാടിയ കുട്ടി നിങ്ങളായിരുന്നോ? വിശ്വസിക്കാന് പറ്റുന്നില്ല..’
ശരണമന്ത്രങ്ങളുടെ മഹാപ്രവാഹത്തില് ഒരു കുട്ടിപ്പാട്ട് ഒഴുകിച്ചേരുന്നു: 'തേടിവരും കണ്ണുകളില് ഓടിയെത്തും സ്വാമീ തിരുവിളക്കിന് കതിരൊളിയില് കുടിയിരിക്കും സ്വാമീ .....'
പൊടുന്നനെ നിലയ്ക്കുന്നു ശബ്ദഘോഷം. നിശ്ശബ്ദതയാണ് പിന്നെ. കാതടപ്പിക്കുന്ന നിശ്ശബ്ദത. ആള്ക്കൂട്ടത്തിന് നടുവില് കണ്ണടച്ചിരുന്ന് പാട്ടിന്റെ വരികളിലൂടെ ഏകാഗ്രതയോടെ ഒഴുകിപ്പോകവേ വര്ഷങ്ങള് ചുറ്റും കൊഴിഞ്ഞുവീണ പോലെ തോന്നിയെന്ന് അമ്പിളി. 'കണ്ണു നിറഞ്ഞൊഴുകുകയായിരുന്നു. പതിറ്റാണ്ടുകള്ക്ക് മുന്പ് ആ പാട്ട് പാടി റെക്കോര്ഡ് ചെയ്യുമ്പോള് സങ്കല്പ്പിച്ചിട്ടു പോലുമില്ലല്ലോ എന്നെങ്കിലും സന്നിധാനത്തില് അത് പാടാന് ഭാഗ്യമുണ്ടാകുമെന്ന്. '' - അമ്പിളിയുടെ വാക്കുകള്.