തിങ്കളാഴ്ചപ്പേടിയുണ്ടെങ്കിൽ ഞായറാഴ്ചയെക്കുറിച്ച് ചിന്തിക്കുക, സമ്മർദവുമായി സമരസപ്പെടാം, മാർഗമുണ്ട്

ഒരു ഞായറാഴ്ച  നല്ലൊരു വാരാന്ത്യം (weekend) ചെലവഴിച്ച് കഴിഞ്ഞ് "നാളെ തിങ്കളാഴ്ചയാണ്,  ജോലിക്ക് പോകണമല്ലോ" എന്ന് ചിന്തിക്കുമ്പോൾ അതുവരെയുണ്ടായിരുന്ന സന്തോഷമെല്ലാം മാറി മനസ്സിനകത്ത് വല്ലാത്തൊരു പ്രയാസം വരാറുണ്ടോ? ഉണ്ടാകാം. ജോലി ചെയ്യുന്ന  64%  ആളുകൾക്കും ഈ പ്രയാസം ഉണ്ടെന്നാണ് പഠനങ്ങൾ പറയുന്നത്. 

പലർക്കും ഇത് ഏറിയും കുറഞ്ഞുമിരിക്കും. ഈ പ്രയാസം അമിതമാവുന്നതിനെ ജോലി സമ്മർദം എന്ന് പറയാം, അതായത് ഒരാളുടെ ജോലി മൂലമുണ്ടാകുന്ന മാനസികവും ശാരീരികവും വൈകാരികവുമായ സമ്മർദമാണ് ഇത്.  ജോലിഭാരം, ഡെഡ്‌ലൈനുകൾ, മത്സരാധിഷ്ഠിതമായ അന്തരീക്ഷം, മോശം മാനേജ്‌മെന്റ് തുടങ്ങിയ നിരവധി ഘടകങ്ങൾ ജോലിസ്ഥലത്തെ സമ്മർദത്തിന് കാരണമാണ്, മിക്ക തൊഴിലിടങ്ങളിലും ഈ  അന്തരീക്ഷമുണ്ടാവാം, അതിനെ ശരിയായ രീതിയിൽ മാനേജ് ചെയ്യാൻ പഠിക്കുക എന്നത് തൊഴിൽ ജീവിതത്തിലെ ഏറ്റവും പ്രധാനപ്പെട്ട കാര്യങ്ങളിലൊന്നാണ്.

Content Highlights: How to create stress free work environment