മറ്റുള്ളവര്‍ക്ക് പിറകേ പോകണോ? നിങ്ങള്‍ക്ക് പറ്റിയ കരിയര്‍ എങ്ങനെ തിരഞ്ഞെടുക്കാം?

പുതിയ കരിയർ പാത തിരഞ്ഞെടുക്കുന്നതിനെക്കുറിച്ചോ നിലവിലുള്ള കരിയർ മാറുന്നതിനെക്കുറിച്ചോ ചിന്തിക്കുമ്പോൾ ഏതൊരാൾക്കും നിരവധി ആശങ്കകൾ ഉണ്ടാവാറുണ്ട്. ജീവിതത്തിൽ സന്തോഷം തരുന്ന ഒരു കരിയർ കണ്ടെത്താൻ തന്നെയാണ് ഓരോരുത്തരും ആഗ്രഹിക്കുന്നത്. എന്നാൽ, ഏതാണ് ആ കരിയർ എന്ന് എങ്ങനെ അറിയാനാകും എന്നത് വലിയ ഒരു ചോദ്യമാണ്.

പാഷന്റെ (Passion) പുറകേ പോകണോ അതോ കിട്ടുന്ന ഏതെങ്കിലും ഒരു ജോലി ചെയ്യണോ എന്നതാണ് ഏറ്റവും പ്രധാനപ്പെട്ട കാര്യങ്ങളിലൊന്നാണ്. "നിങ്ങൾ നിങ്ങളുടെ സ്വപ്നങ്ങൾക്ക് പുറകേ പോകൂ" അല്ലെങ്കിൽ "നിങ്ങൾ ഇഷ്ടപ്പെടുന്നത് ചെയ്യൂ" എന്നെല്ലാം പലരും ഉപദേശിക്കുമെങ്കിലും ഒരു തുടക്കക്കാരനെ സംബന്ധിച്ച്, അല്ലെങ്കിൽ ഒരു ജോലി നേടാൻ യാതൊരു പിന്തുണയും ഇല്ലാത്ത ഒരാൾക്ക് അത്രയും വലിയ റിസ്ക് എടുക്കാനുള്ള ധൈര്യമോ അവസരമോ ഉണ്ടാവണമെന്നില്ല, അവരെ സംബന്ധിച്ച് വളരെ ഉപകാരപ്പെടുന്ന ഒരു ഉപദേശമാണ് ഇതെന്ന് തോന്നുന്നില്ല.

Content Highlights: How to choose your career