പച്ചമാമ ഒരു കോഫി ബ്രാൻഡ് മാത്രമല്ല, കർഷകരുടെ ചെറു വിപ്ലവം കൂടിയാണ്

രാജ്യാന്തരവിപണിയിൽ കാപ്പിക്ക് വലിയ ആവശ്യകതയുണ്ടെങ്കിലും ചെറുകിട കർഷകർക്ക് ഇതിന്റെ പ്രയോജനം ലഭിക്കുന്നില്ലെന്നും അവർ ചൂഷണത്തിനിരയാകുന്നുവെന്നുമുള്ള വിമർശനം എക്കാലവും ഉയർന്നുകേൾക്കാറുള്ളതാണ്. ഏറ്റവും കൂടുതൽ അധ്വാനം കർഷകർക്കാണുള്ളതെങ്കിലും അതിന്റെ പ്രയോജനം അവർക്ക് ലഭിക്കാറില്ല. കർഷകരുടെയത്ര പരിശ്രമം വേണ്ടിവരാത്ത വിതരണക്കാർക്കും വില്പനക്കാർക്കും അതിൽ കൂടുതൽ സാമ്പത്തികലാഭം ലഭിക്കാറുണ്ട്. കർഷകർക്ക് പ്രയോജനം ഉണ്ടാവുന്ന ശ്രമങ്ങൾ നടപ്പിലാക്കണമെന്ന ആവശ്യം എപ്പോഴും ശക്തമാണ്.

കാപ്പി വ്യവസായത്തിൽ സഹകരണ സ്ഥാപനങ്ങളും വ്യവസായ ആശയങ്ങളും പ്രയോജനപ്പെടുത്തിക്കൂടെയെന്ന തരത്തിലുള്ള ചോദ്യങ്ങളും പലപ്പോഴും ഉടലെടുക്കാറുണ്ട്. ഇത്തരത്തിൽ കർഷകർക്ക് നേരിട്ട് പ്രയോജനം ലഭിക്കുന്ന തരത്തിൽ ഉടലെടുത്ത ഒരു സഹകരണപ്രസ്ഥാനവും ബിസിനസ് ആശയവുമാണ് 'പച്ചമാമ' കോഫി കോ-ഓപ്പറേറ്റീവ് ഓഫ് സ്‌മോൾ സ്‌കെയിൽ കോഫി പ്രൊഡ്യൂസേഴ്സ്. ഒരു ചെറിയ സഹകരണ സ്ഥാപനമായി തുടങ്ങി കർഷകസൗഹൃദപരമായി  മുന്നോട്ടുനീങ്ങി ലോകവ്യാപകമായി അം​ഗീകരിക്കപ്പെടുന്ന ഒരു കോഫി ബ്രാൻഡായി മാറിയ 'പച്ചമാമ'യുടെ ചരിത്രം ആർക്കും മാതൃകയാക്കാവുന്നതാണ്.

Content Highlights: Pachamama Coffee Cooperative collective effort of thousands of smallholder farmers