എന്ജിനീയറിങ് ഉപേക്ഷിച്ച് കൃഷിയിടത്തിലേക്ക് ; വിപണനത്തിന്റെ വിജയമന്ത്രവുമായി ബിജു നാരായണന്
അടിമുടി കൃഷിക്കാരനാണ് ബിജു. കൃഷിക്കാരനെന്നതിലുപരി ഒരു നല്ല കച്ചവടക്കാരനുമാണ്. കൃഷി കച്ചവടമാണെന്നു തിരിച്ചറിഞ്ഞാല് മാത്രമേ കര്ഷകനു നില നില്ക്കാനാവൂ എന്ന് ഉറക്കെ വിളിച്ചു പറയുന്നയാള്. മെക്കാനിക്കല് എന്ജിനീയറിങ് ബിരുദമെടുത്തതിനു ശേഷം തെങ്ങിനു തടമെടുക്കാനും കുരുമുളക് വള്ളികള് പടര്ത്തി വിടാനും മടി കൂടാതെ തീരുമാനം എടുത്തയാള് കൂടിയാണ്. മണ്ടത്തരമാണ്, ബുദ്ധിമോശമാണ് എന്നൊക്കെ വീട്ടുകാരും ബന്ധുക്കളും സുഹൃത്തുക്കളുമെല്ലാം പറഞ്ഞപ്പോഴും കിട്ടിയ ജോലി വലിച്ചെറിഞ്ഞ് മണ്ണിലേക്കിറങ്ങിച്ചെന്ന് ആഴത്തില് വേരൂന്നിയവനാണ്.
ബിജു നാരായണന് (55) എന്ന പേര് കാര്ഷികമേഖലയില് പ്രവര്ത്തിക്കുന്നവര്ക്ക് പരിചിതമാണ്. പരമ്പരാഗത കൃഷികളായ നെല്ല്, കുരുമുളക്, നാളികേരം, പച്ചക്കറി എന്നിവയില് ലാഭകരമായി കൃഷി ചെയ്യുന്നതിനൊപ്പം റംബുട്ടാന്, മാംഗോസ്റ്റീന് എന്നീ പഴങ്ങളും കൃഷി ചെയ്ത് പുതു തലമുറ കൃഷിക്കാരുടെ മുന്നിരയില് സ്ഥാനം പിടിച്ചിരിക്കുന്ന ബിജുവിന്റെ കാര്ഷിക ജീവിതം നിരന്തരമായ പരീക്ഷണങ്ങളാല് നവീകരിക്കപ്പെട്ടതാണ്. കണ്ണൂര് ജില്ലയില് മലയോരമേഖലയായ ഉളിക്കല് സ്വദേശിയായ ബിജു നാരായണന് കാര്ഷിക രംഗത്തെ വിജയഗാഥകളുടെ പര്യായമാവുന്നതും ഇങ്ങനെ നിരന്തരം പരീക്ഷണങ്ങള് നടത്താനും അതു വിജയിപ്പിച്ചെടുക്കാനുമുള്ള അസാമാന്യമായ ഇച്ഛാശക്തിയും മടുക്കാത്ത ഉല്സാഹവും കൊണ്ടാണ്.
Content Highlights: Biju Narayanan, a mechanical engineer, turned to farming & now successfully cultivates rambutan