ദാമ്പത്യത്തിൽ ലൈംഗികതയും പ്രണയവും ബാധ്യതയാവില്ല; ബദലായി വരുന്നു ഫ്രണ്ട്ഷിപ്പ് മാര്യേജ്

പ്രണയവും ലൈംഗികതയും ആസ്വാദനത്തിനുപരി പ്രതിബദ്ധതയാവുന്ന ദാമ്പത്യം; ഈ അമിത പ്രതിബദ്ധതയും പരസ്പരമുള്ള കടപ്പാടും ബാധ്യതയിലേക്കും ബാധ്യത ഫോബിയയിലേക്കും വഴിമാറുമ്പോൾ വിവാഹമേ വേണ്ടായിരുന്നുവെന്ന് തോന്നും ചിലർക്ക്. എന്നാൽ അവിവാഹിതയായ ഒരുവളെ/ ഒരുവനെ സമൂഹം കൈകാര്യം ചെയ്യുന്ന ചില രീതികളിലെ ഭയം വിവാഹത്തിന് പലരെയും നിർബന്ധിതരാക്കും. ഒറ്റയ്ക്കൊരു വീടുനോക്കുമ്പോഴും  എതിർലിംഗത്തിലുള്ളവരോട് കൂട്ടുകൂടുമ്പോഴും ഈ ബുദ്ധിമുട്ടുകൾ അവിവാഹിതർ നേരിടാറുണ്ട്. ഇത്തരക്കാർക്കുള്ള ബദൽ വഴിയാണ് ഫ്രണ്ട്ഷിപ്പ് മാര്യേജ് അഥവാ സൗഹൃദ വിവാഹം. സൗഹൃദ വിവാഹത്തിൽ പങ്കാളിയോടുള്ള പ്രണയവും ലൈംഗികതയും നിങ്ങൾക്കൊരിക്കലും ബാധ്യതയാവില്ല. ഈ വിവാഹത്തിൽ പങ്കാളി നിങ്ങളിൽ നിന്ന് ഇതു രണ്ടും ഡിമാന്റ് ചെയ്യുന്നുമില്ല.

പ്രണയത്തിനും വിവാഹത്തിനും വ്യത്യസ്തമായ മാനങ്ങള്‍ സൃഷ്ടിച്ചുകൊണ്ട് കടന്നുപോകുന്ന തലമുറയാണ് വളർന്നുവരുന്നത്. സിറ്റുവേഷന്‍ഷിപ്പ്, ഫ്രണ്ട്‌സ് വിത്ത് ബെനിഫിറ്റ്‌സ് എന്നിങ്ങനെ നീളുന്ന വ്യത്യസ്ത ബന്ധങ്ങളുടെ പാഠം ഇതിനോടകം തന്നെ ജെന്‍സി എന്ന പുതുതലമുറ മില്ലേനിയല്‍സിന് പരിചയപ്പെടുത്തിക്കൊടുത്തിട്ടുണ്ട്.. ഇതിലേക്ക് കൂട്ടിച്ചേര്‍ക്കാനാവുന്ന, ഇതിനോടകം പ്രാവർത്തികമാക്കപ്പെട്ട ആശയമാണ് ഫ്രണ്ട്ഷിപ്പ് മാര്യേജ്.

Content Highlights: what is friendship marriage relevance in today's society