ആർക്കാണ് സ്വവർഗ വിവാഹങ്ങളെ ഇത്ര പേടി? | പരമ്പര ഒന്നാം ഭാഗം

'മജാ മാ' എന്നൊരു ഹിന്ദി ചിത്രമുണ്ട്. ചിത്രത്തിൽ സ്വവർഗാനുരാഗിയായ അമ്മയെ മകൻ മന്ത്രവാദിയുടെ അടുത്ത്‌ ചികിത്സയ്ക്ക് കൊണ്ടുപോകുന്ന ഒരു രംഗമുണ്ട്. മകൻ തേജസ് പട്ടേലിനെ സംബന്ധിച്ചിടത്തോളം അമ്മ പല്ലവിയുടെ സ്വവർഗാനുരാഗം ഒരു രോഗമാണ്. അത് മരുന്നു കൊണ്ടോ മന്ത്രം കൊണ്ടോ മാറ്റാമെന്നാണ് അവന്റെ ധാരണ. 

തേജസ് പട്ടേൽ ഒരു വലിയ വിഭാഗത്തിന്റെ പ്രതിനിധിയാണ്. പുതിയ കാലത്തും മതവും സംസ്കാരവും വിശ്വാസപ്രമാണങ്ങളും തീർത്ത ധാരണകളുടെയും ധാരണപ്പിശകുകളുടെയും കെട്ടുപാടുകളിൽ പെട്ടുഴലുന്ന ഒരു വിഭാഗം. ഈ വിഭാഗത്തിന്റെ ശബ്ദമാണ്, കഴിഞ്ഞ കുറേ ദിവസങ്ങളായി,  ഒരേ ലിംഗത്തിൽപ്പെട്ടവരുടെ വിവാഹം സംബന്ധിച്ച ഹരജി പരിഗണിക്കവേ,  സുപ്രീം കോടതിയിൽ കേന്ദ്ര സർക്കാരിന്റെ വാദങ്ങളിൽ മുഴങ്ങിക്കേട്ടത്.

Content Highlights: same sex marriage in india