സാമ്പത്തിക ഭദ്രതയില്ല, ജീവിതത്തിന് അർഥമില്ല !; ചെറുപ്പക്കാർക്കൊന്നും സന്തോഷമില്ലെന്ന് പഠനം | Video

നിങ്ങള്‍ ഹാപ്പിയാണോ? ചെറുപ്പക്കാരൊന്നും അത്ര ഹാപ്പിയല്ലെന്നാണ് പുതിയ പഠനം. നേച്ചര്‍ മെന്റല്‍ ഹെല്‍ത്ത് ജേണല്‍ നടത്തിയ പഠനത്തിലാണ് 18 മുതല്‍ 29 വയസ്സുവരെ പ്രായമുള്ളവര്‍ക്ക് സന്തോഷമില്ലെന്ന് കണ്ടെത്തിയത്. 20 രാജ്യങ്ങളില്‍ നിന്നുള്ള 18 മുതല്‍ 29 വരെ പ്രായമുള്ള രണ്ട് ലക്ഷം പേരിലാണ് പഠനം നടത്തിയത്.  സന്തോഷം കണ്ടെത്താന്‍ കഴിയുന്നില്ലെന്ന് മാത്രമല്ല, ഒട്ടുമിക്കവരുടെയും ശാരീരികാരോഗ്യവും മാനസികാരോഗ്യവും തകരാറിലാണ് എന്നും പഠനം സൂചിപ്പിക്കുന്നു. സാമ്പത്തിക ഭദ്രതയില്ലെന്നുള്ള പ്രശ്‌നം അവരെ അലട്ടുന്നുണ്ട്, പിന്നെ റിലേഷന്‍ഷിപ്പിലുള്ള പ്രശ്‌നങ്ങള്‍. മിക്കവര്‍ക്കും ജീവിതത്തിന് ഒരര്‍ഥം കണ്ടെത്താന്‍ കഴിയുന്നില്ല. 

പണ്ടൊക്കെ ഹാപ്പിനെസ് കേര്‍വ് ഒരു യു ഷേപ്പിലായിരുന്നു. ചെറിയ പ്രായത്തില്‍ സന്തോഷസൂചിക ഹൈയിലായിരുക്കും ഒരു മധ്യവയസ്സാകുമ്പോള്‍ അത് താഴും പിന്നെ വാര്‍ദ്ധക്യത്തിലേക്ക് കടക്കുമ്പോള്‍ വീണ്ടും മുകളിലേക്ക് പോകും. പക്ഷേ ഇപ്പോ യു ഷേപ്പ് കേര്‍വ് പതുക്കെ പരന്നുകൊണ്ടിരിക്കുകയാണ്.