ഇനി റീല്‍സ് ചാറ്റില്‍ കിട്ടും, ഷെയർ ചെയ്യാനും എളുപ്പം; ബ്ലെൻഡുമായി ഇൻസ്റ്റാഗ്രാം
ഇന്‍സ്റ്റാഗ്രാമിലൂടെ റീൽസ് പങ്കുവെക്കാത്തവര്‍ വിരളമായിരിക്കും. ഇഷ്ടപ്പെട്ടൊരു റീല്‍സ് കണ്ടാല്‍ അതില്‍ കാണുന്ന തമാശയും, സന്തോഷവും, ആശ്ചര്യവുമെല്ലാം ആ നിമിഷം തന്നെ സുഹൃത്തുക്കൾക്ക് കെെമാറുന്നതാണ് പതിവ്. ഇപ്പോഴിതാ നിങ്ങള്‍ക്കും നിങ്ങളുടെ സുഹൃത്തുക്കള്‍ക്കും ഇഷ്ടപ്പെടാനിടയുള്ള റീല്‍സുകള്‍ ചാറ്റിനുള്ളിൽ തന്നെ കാണാനാകുന്ന ഫീച്ചര്‍ എല്ലാവർക്കും ലഭ്യമാക്കിയിരിക്കുകയാണ് ഇന്‍സ്റ്റാഗ്രാം. നേരത്തെ ബീറ്റ ഉപയോക്താക്കൾക്ക് മാത്രമായിരുന്നു ഇത് ലഭ്യമായിരുന്നത്.
ബ്ലെന്‍ഡ് (Blend) എന്ന് പേരിട്ടിരിക്കുന്ന ഈ ഫീച്ചര്‍ വഴി സുഹൃത്തുക്കള്‍ തമ്മിലുള്ള റീല്‍സ് പങ്കുവെക്കല്‍ പുതിയ തലത്തിലെത്തിക്കാനാണ് കമ്പനി ലക്ഷ്യമിടുന്നത്. ഉപയോക്താവിനും അയാളുടെ സുഹൃത്തുക്കള്‍ക്കും ഇഷ്ടപ്പെട്ട റീലുകള്‍ മാത്രം കാണുന്ന ഒരു പ്രത്യേക ഫീഡ് ഇന്‍സ്റ്റാഗ്രാമില്‍ ലഭിക്കും. ഇരുവരും പരസ്പരം അയച്ച റീലുകളുടെയും ഇരുവരും ലൈക്ക് ചെയ്ത റീലുകളുടെയും അടിസ്ഥാനത്തിലാണ് ഈ ഫീഡില്‍ റീലുകള്‍ വരുക