സോഷ്യല് മീഡിയ മാധ്യമപ്രവര്ത്തനത്തില് ധാര്മിക പ്രതിസന്ധി സൃഷ്ടിക്കുന്നു- രാജ്ദീപ് സര്ദേശായി
സോഷ്യല് മീഡിയയെ മറയാക്കിക്കൊണ്ട് മുഖ്യധാരാമാധ്യമങ്ങളുടെ വിശ്വാസ്യതയെ തകര്ക്കാനുള്ള ആസൂത്രിതമായ ശ്രമങ്ങള് ഇന്ന് നടക്കുന്നുണ്ടെന്ന് മുതിര്ന്ന മാധ്യമപ്രവര്ത്തകന് രാജ്ദീപ് സര്ദേശായി. രാഷ്ട്രീയ പാര്ട്ടികള്ക്ക് സമൂഹമാധ്യമങ്ങളിലെ അജണ്ടകളിലൂടെ മുഖ്യധാരാ മാധ്യമങ്ങളെ സ്വാധീനിക്കാന് സാധിക്കുന്ന സാഹചര്യമാണെന്നും അതുകൊണ്ട് തന്നെ മാധ്യമ പ്രവര്ത്തനം ഇന്ന് ധാര്മിക പ്രതിസന്ധി നേരിടുന്നുവെന്നും അദ്ദേഹം പറഞ്ഞു. തിരുവനന്തപുരത്ത് മാതൃഭൂമി ഒരുക്കിയ മാധ്യമ സംവാദത്തില് സംസാരിക്കുകയായിരുന്നു അദ്ദേഹം.