'മകന്‍ പറഞ്ഞത് ചങ്കില്‍ക്കൊണ്ടു'; പരാതിയില്‍ ഉറച്ചുനില്‍ക്കുന്നു, ആര്‍ക്കെതിരെയെന്ന് പറയില്ല- നടി
മലയാളത്തിലെ യുവ സൂപ്പര്‍സ്റ്റാര്‍ തന്നെ കടന്നുപിടിച്ചുവെന്ന പരാതിയില്‍ പ്രത്യേക അന്വേഷണസംഘത്തിന് മുന്‍പാകെ മൊഴി നല്‍കി നടി സോണിയ മല്‍ഹാര്‍. 2013-ല്‍ തൊടുപുഴയിലെ സിനിമ ലൊക്കേഷനില്‍ വെച്ചുണ്ടായ സംഭവത്തിലാണ് നടി പരാതി നല്‍കിയത്.
വീട്ടില്‍ നിന്ന് സമ്മര്‍ദമുള്ളതിനാല്‍ അതിക്രമം കാണിച്ചയാളുടെ പേര് വെളിപ്പെടുത്താന്‍ സാധിക്കില്ലെന്നും നടി പറഞ്ഞു. പണം കൈപ്പറ്റിയതുകൊണ്ടാണ് നടന്റെ പേര് വെളിപ്പെടുത്താത്തത് എന്ന ആരോപണത്തോടും നടി പ്രതികരിച്ചു. മാനത്തിന് വില പറയുന്ന ആളില്‍ നിന്ന് പണം വാങ്ങിക്കുന്ന ആളല്ല താനെന്നും സംശയമുള്ളവര്‍ക്ക് ബാങ്ക് അക്കൗണ്ട് പരിശോധിക്കാമെന്നും നടി പറഞ്ഞു. പരാതി ആര്‍ക്കെതിരെയെന്ന് വെളിപ്പെടുത്താത്തത് വീട്ടുകാരില്‍ നിന്ന് സമ്മര്‍ദമുള്ളതുകൊണ്ടാണെന്നും നടി അറിയിച്ചു