ഹമാസിന്റെ അവസാന ഉന്നത ഉദ്യോഗസ്ഥനേയും വധിച്ചെന്ന് ഇസ്രയേൽ; വ്യോമാക്രണത്തിന്റെ ദൃശ്യങ്ങൾ പുറത്ത്

ജറുസലേം: തെക്കൻ ​ഗാസയിലെ ഖാൻ യൂനുസിൽ ഇസ്രയേൽ സൈന്യം നടത്തിയ വ്യോമാക്രമണത്തിൽ ഹമാസിന്റെ ഉന്നത ഉദ്യോ​ഗസ്ഥൻ കൊല്ലപ്പെട്ടെന്ന് റിപ്പോർട്ട്. ഹമാസ് പൊളിറ്റിക്കൽ ബ്യൂറോ അം​ഗം ഇസ് അൽ-​ദിൻ കസബിനെ വധിച്ചെന്നാണ് ഇസ്രയേൽ പ്രതിരോധസേന (ഐഡിഎഫ്) അറിയിക്കുന്നത്.

കസബിനൊപ്പം ഉണ്ടായിരുന്ന സഹായി അയ്മൻ ആയേഷും ആക്രമത്തിൽ കൊലപ്പെട്ടെന്നാണ് വിവരം. ആക്രമണത്തിന്റേതെന്ന് അവകാശപ്പെടുന്ന ആകാശദൃശ്യങ്ങൾ ഇസ്രയേൽ മാധ്യമങ്ങൾ പുറത്തുവിട്ടിട്ടുമുണ്ട്.