ചെങ്കടലായി കൊല്ലം; സി.പി.എം സംസ്ഥാന സമ്മേളനത്തിന് സമാപനം

കൊല്ലത്ത് നാലുദിവസമായി നടന്ന സി.പി.എം സംസ്ഥാന സമ്മേളനം സമാപിച്ചു. ആശ്രാമം മൈതാനത്തെ സീതാറാം യെച്ചൂരി നഗറില്‍ നടന്ന ബഹുജനറാലിയോടെയാണ് സംസ്ഥാന സമ്മേളനം കൊടിയിറങ്ങിയത്. 25,000 റെഡ് വൊളന്റിയര്‍മാര്‍ ഉള്‍പ്പെടെ രണ്ടരലക്ഷംപേര്‍ ഇതിന്റെ ഭാ​ഗമായി. 

സി.പി.എം. സംസ്ഥാനസെക്രട്ടറിയായി എം.വി.ഗോവിന്ദനെ വീണ്ടും തിരഞ്ഞെടുത്തു. പതിനേഴംഗ സംസ്ഥാനസെക്രട്ടേറിയറ്റിനെയും 89 അംഗ സംസ്ഥാനകമ്മിറ്റിയെയും സമ്മേളനം ഐകകണ്ഠേന തിരഞ്ഞെടുത്തു. കോടിയേരി ബാലകൃഷ്ണൻ ആരോഗ്യപ്രശ്നങ്ങളെത്തുടർന്ന് സ്ഥാനമൊഴിഞ്ഞപ്പോൾ 2022 ഓഗസ്റ്റ് 28-നാണ് മന്ത്രിസ്ഥാനം രാജിവെച്ച് എം.വി. ഗോവിന്ദൻ സെക്രട്ടറിയായി ചുമതലയേൽക്കുന്നത്.