സ്ത്രീകളെ ജയിപ്പിച്ച് നിയമസഭയിൽ കൊണ്ടുവന്ന് മാതൃക കാണിക്കേണ്ട ഉത്തരവാദിത്തം കോൺഗ്രസിനുണ്ട്
സ്ത്രീകൾക്ക് കുറച്ചുകൂടി സീറ്റുകൾ കൊടുത്ത് അവരെ ജയിപ്പിച്ച് നിയമസഭയിൽ കൊണ്ടുവന്ന് മാതൃക കാണിക്കേണ്ട ഉത്തരവാദിത്തം കോൺഗ്രസിനുണ്ടെന്ന് അരൂർ നിയോജകമണ്ഡലം യു.ഡി.എഫ് സ്ഥാനാർഥി ഷാനിമോൾ ഉസ്മാൻ. സ്ത്രീകൾക്ക് മതിയായ പ്രാതിനിത്യം വേണമെന്ന് പാർട്ടിക്ക് അകത്തും പുറത്തും വാദിക്കുന്ന ആളാണ് താനെന്നും ഇത്തവണ സ്ത്രീകൾ മത്സരിക്കുന്ന സീറ്റുകളിൽ വിജയം നേടി സഭയിൽ പ്രാതിനിധ്യം ഉറപ്പാക്കാൻ സാധിക്കുമെന്നാണ് വിശ്വാസമെന്നും ഷാനിമോൾ പറഞ്ഞു. അരൂർ മണ്ഡലത്തിൽ ഇത്തവണ 101 ശതമാനം വിജയപ്രതീക്ഷയുണ്ടെന്നും നൂറിലധികം സീറ്റെന്ന നേതാക്കളുടെ പ്രസ്താവന യാഥാർഥ്യമാകുമെന്നും അധികാരമാറ്റം വേണമെന്ന് ജനം മുമ്പ് തന്നെ തീരുമാനമെടുത്തിരുന്നുവെന്നും ഷാനിമോൾ വ്യക്തമാക്കി.
Content Highlights: udf candidate shanimol usman interview