'നഖം വെട്ടണം, പെര്ഫ്യൂം ഉപയോഗിക്കരുത്'; ഭാര്യയെ ബലാത്സംഗം ചെയ്യാന് നിബന്ധനകള് വെച്ച ഭർത്താവ്
അസാധാരണവും അതിക്രൂരവുമായ ഒരു കേസിന്റെ വിചാരണയ്ക്ക് സാക്ഷ്യം വഹിച്ചിരിക്കുകയാണ് ഫ്രാന്സിലെ മസന് ഗ്രാമം. ഭക്ഷണത്തില് മയക്കുമരുന്നും ഉറക്കഗുളികയും കലര്ത്തി ഭാര്യയെ മയക്കിക്കിടത്തി അന്യപുരുഷന്മാരെ വിളിച്ചുവരുത്തി ബലാത്സംഗം ചെയ്യിപ്പിച്ച ഭര്ത്താവ്. 2010 മുതല് 2020 വരെ, ഏതാണ്ട് 10 വര്ഷം നീണ്ടുനിന്ന ക്രൂരതയില് പങ്കാളികളായത് വൃദ്ധരും യുവാക്കളുമടക്കം എഴുപതോളം പേര്.
അവരില് വിവാഹിതരും അവിവാഹിതരുമുണ്ടായിരുന്നു. നഴ്സും സൈനികനും മാധ്യമപ്രവര്ത്തകനും അഗ്നിരക്ഷാ സേനാംഗവും ലോറി ഡ്രൈവറുമുണ്ടായിരുന്നു. അതില് മിക്കവരും ആ ഗ്രാമത്തില് നിന്നുള്ളവര് തന്നെയായിരുന്നു. ദിവസവും പരസ്പരം കാണുന്നവര്. നിത്യവും മയക്കുമരുന്ന് കഴിക്കേണ്ടിവന്ന ഭാര്യയ്ക്ക് കടുത്ത ആരോഗ്യപ്രശ്നങ്ങള് വന്നിട്ടും ഭര്ത്താവ് ഈ ക്രൂരത അവസാനിപ്പിച്ചില്ല. എല്ലാം ക്യാമറയില് ഷൂട്ട് ചെയ്ത് ലാപ്ടോപ്പില് സൂക്ഷിച്ച് അയാള് ആസ്വദിച്ചുകൊണ്ടേയിരുന്നു. ഡൊമിനിക് പെലിക്കോട്ട് എന്നാണ് അതിക്രൂരനായ ആ ഭര്ത്താവിന്റെ പേര്. ഒന്നുമറിയാതെ ഇതെല്ലാം സഹിച്ച ഭാര്യയുടെ പേര് ജിസേല് പെലിക്കോട്ടും.
Content Highlights: life and inspirational story of gisele pelicot who was drugged by husband and raped by strangers