പാകിസ്താന്റെ മോഹന വാഗ്ദാനത്തില്‍ ട്രംപ് വീഴുമോ? പസ്നിയില്‍ ഇന്ത്യയ്ക്കുള്ള വെല്ലുവിളികള്‍

അറബിക്കടലിനോട് ചേര്‍ന്ന് കിടക്കുന്ന പാകിസ്താനിലെ തീരദേശ പട്ടണം, പസ്‌നി. ഇറാനില്‍ ഇന്ത്യ നിര്‍മിക്കുന്ന ചബഹാര്‍ തുറമുഖത്തില്‍നിന്ന് 330 കിലോമീറ്റര്‍ മാത്രം അകലെ. അമേരിക്കന്‍ സഹായത്തോടെ ഇവിടെയൊരു തുറമുഖം സ്ഥാപിക്കാനുള്ള നീക്കത്തിലാണ് പാകിസ്താന്‍. ഇന്ത്യയുടെ അഭിമാനമായ വിഴിഞ്ഞത്തിന് സമാനമായൊരു തുറമുഖം, അതാണ് പസ്‌നിയില്‍ പാകിസ്താന്റെ ലക്ഷ്യം. പദ്ധതി യാഥാര്‍ഥ്യമായാല്‍ പാകിസ്താനെ കൂട്ടുപിടിച്ച് ലോകത്തെ ഏറ്റവും തന്ത്രപ്രധാനമായ മേഖലകളിലൊന്നില്‍ ചുവടറുപ്പിക്കാന്‍ യു.എസിനാകും.

ഇന്ത്യയുടെ ഓപ്പറേഷന്‍ സിന്ദൂറില്‍ ഞെട്ടിയ പാകിസ്താന്‍ സമീപകാലത്തായി അമേരിക്കയുമായി അടുക്കാനുള്ള തീവ്ര ശ്രമത്തിലാണ്. കഴിഞ്ഞ ആറുമാസത്തിനിടെ പാക് സൈനിക മേധാവി അസീം മുനീര്‍ മൂന്ന് തവണ അമേരിക്കിയിലെത്തി. പാക് പ്രധാനമന്ത്രി ഷെഹാബാസ് ഷെരീഫും നേരിട്ടെത്തി ട്രംപുമായി ചങ്ങാത്തം ദൃഢമാക്കുന്നു. ട്രംപിനെ പ്രതീപ്പെടുത്താന്‍ പാകിസ്താനിലെ അപൂര്‍വ്വ ധാതുക്കള്‍ സമ്മാനിക്കുന്നു. ഇങ്ങനെ ഏതുവിധേനയും ട്രംപിനെ വരുതിയിലാക്കാനുള്ള പാകിസ്താന്റെ പുതിയ അടവുകളിലൊന്നായി പസ്‌നി തുറമുഖ പദ്ധതിയെ വിലയിരുത്താം.

Content Highlights: us pasni port projects full details and its impact to india