ചമ്പലിന്റെ മുള്‍പ്പടര്‍പ്പിലുണ്ട് ചോരകൊണ്ടെഴുതിയ ആ പട്ടാളക്കാരന്റെ ജീവിതം

തോക്കെടുത്ത് കാട് കയറി നാടു വിറപ്പിച്ചൊരു കായികതാരമുണ്ട് ചരിത്രത്തിൽ. പാൻ സിങ് തോമർ. മിൽഖ സിങ്ങിനൊപ്പം ടോക്യോ ഏഷ്യാഡിൽ ഇന്ത്യയ്ക്കുവേണ്ടി മാറ്റുരച്ച പഴയ സ്റ്റീപ്പിൾ ചേസ് ദേശീയ ചാമ്പ്യൻ. കൊല്ലങ്ങളോളം ചമ്പലിനെ വിറപ്പിച്ച കൊള്ളത്തലവൻ. 

കാലം നിർദയം മറവിയിലേക്ക് വലിച്ചെറിഞ്ഞ, പാൻ സിങ്ങിന്റെ ചോരയിൽ ചാലിച്ചെഴുതിയ  ചരിത്രം വീണ്ടെടുത്തിരിക്കുകയാണ് നടൻ ഇർഫാൻ ഖാനും സംവിധായകൻ ധിഗ്മാൻഷു ധുലിയും ചേർന്ന്.

2012ൽ പുറത്തിറങ്ങിയ പാൻസിങ്ങ് തോമർ എന്ന ചിത്രം ചായമടിച്ച് മിനുക്കിയ മറ്റ് സ്പോർട് ബയോപിക്കുകൾ പോലെയല്ല. ജാതിവെറിയും കെട്ട വ്യവസ്ഥിതിയും മാറാലക്കെട്ടിയ കാലത്തെ അടയാളപ്പെടുത്തുക എന്നൊരു ചരിത്രദൗത്യം കൂടിയുണ്ടായിരുന്നു ഈ ചിത്രത്തിന്.

Content Highlights: paan singh tomar former steeplechase champion champal dacoit biopic irrfan khan national award movie