ഈ സൗന്ദര്യം ഇങ്ങനെ നിലനിർത്തണം; ചെല്ലൻ ചേട്ടനെന്ന 'ടീ മാസ്റ്റർ', ചായക്കടയിൽ വിരുന്നിനെത്തി ജയസൂര്യ

കളേഴ്‌സ് ഓഫ് ഭാരത് എന്ന സാമൂഹിക മാധ്യമപേജ് രാജ്യത്ത് കണ്ടിരിക്കേണ്ട 10 ഗ്രാമങ്ങളെ തിരഞ്ഞെടുത്തപ്പോള്‍ അതിൽ ഉൾപ്പെട്ട പാലക്കാടൻ ​ഗ്രാമമാണ് കൊല്ലങ്കോട്. 'എ​നി​ക്ക് ​ചു​റ്റു​മു​ള്ള​ ​സൗ​ന്ദ​ര്യം​ ​എ​ന്നെ​ ​നി​ശ​ബ്ദ​നാ​ക്കു​ന്നു,​ ​ഇ​ന്ത്യ​യി​ൽ​ ​യാ​ത്ര​ ​ചെ​യ്യാ​നു​ള്ള​ ​എ​ന്റെ​ ​ബ​ക്ക​റ്റ് ​ലി​സ്റ്റ് ​ഇ​പ്പോ​ൾ​ ​നി​റ​ഞ്ഞൊ​ഴു​കു​ന്നു​' എന്നാണ് കളേഴ്സ് ഓഫ് ഭാരതിന്റെ പോസ്റ്റ് പങ്കുവെച്ചുകൊണ്ട് പ്രമുഖ വ്യവസായി ആനന്ദ് മഹീന്ദ്ര എഴുതിയത്. ഇതോടെ രാജ്യമെങ്ങുമുള്ള സഞ്ചാരപ്രിയർ കൊല്ലങ്കോട്ടേക്ക് ഒഴുകിയെത്തി. ഇപ്പോഴിതാ കൊല്ലങ്കോടിന്റെ ​ഗ്രാമഭം​ഗി നെഞ്ചിലേറ്റുകയാണ് മലയാളികളുടെ പ്രിയതാരം ജയസൂര്യയും. ആട്-3 എന്ന ചിത്രത്തിന്റെ ഷൂട്ടിങ് ഇടവേളയിലാണ് വ്യാഴാഴ്ച അദ്ദേഹം കൊല്ലങ്കോട് സന്ദർശിക്കാനെത്തിയത്. കൊല്ലങ്കോട്ടെത്തുന്ന ഏതൊരാളും നിശ്ചയമായും പോകുന്ന ചെല്ലൻ ചേട്ടന്റെ ചായക്കടയിലേക്കായിരുന്നു ജയസൂര്യയുടെ യാത്ര.

പൂർണമായും ഓലകൊണ്ടുമേഞ്ഞ, പഴമയുടെഭം​ഗി വിളിച്ചോതുന്ന അപൂർവ കാഴ്ചയാണ് ചെല്ലൻ ചേട്ടന്റെ ചായക്കട. ചായക്കടയിലേക്ക് കടക്കണമെങ്കിൽ ഒന്നു കുനിയണം. കഴിഞ്ഞ 50 വർഷമായി ഈ ചായക്കട ഇങ്ങനെ തന്നെ നിലനിർത്തുകയാണ് ചെല്ലൻ ചേട്ടനും ഭാ​ര്യ ചെന്താമരാക്ഷി ചേച്ചിയും. ഇവിടേയ്ക്കാണ് ജയസൂര്യ എത്തിയത്. ഷൂട്ടിങ് സെറ്റിന് അടുത്തുള്ള മനോഹരമായ കാഴ്ചകൾ സമ്മാനിക്കുന്ന ഇടങ്ങളിലേക്ക് ഇതിന് മുൻപും യാത്രകൾ ചെയ്തിട്ടുണ്ട് ജയസൂര്യ. ഇതൊന്നും മുൻകൂട്ടി പദ്ധതിയിട്ട് പോകുന്നതല്ലെന്നാണ് അദ്ദേഹം പറയുന്നത്.

Content Highlights: Actor Jayasurya explores the scenic beauty of Kollengode, a picturesque village in Palakkad