ഇൻസ്റ്റഗ്രാമിൽ പുതിയ ഫീച്ചർ: ടാഗ് ചെയ്ത പോസ്റ്റുകൾ ഇനി പ്രൊഫൈൽ ഗ്രിഡിലേക്ക് മാറ്റാം

ഇൻസ്റ്റഗ്രാം ഉപയോക്താക്കൾക്ക് അവരെ ടാഗ് ചെയ്ത പോസ്റ്റുകൾ ഇനി നേരിട്ട് അവരുടെ പ്രൊഫൈൽ ഗ്രിഡിൽ ഉൾപ്പെടുത്താൻ സാധിക്കും. ഇതിനായുള്ള പുതിയ ഫീച്ചർ ഇൻസ്റ്റഗ്രാം ആഗോളതലത്തിൽ അവതരിപ്പിച്ചു. ഇൻസ്റ്റഗ്രാം മേധാവി ആദം മൊസ്സേരിയാണ് അപ്‌ഡേറ്റ് പ്രഖ്യാപിച്ചത്.

ടാഗ് ചെയ്ത പോസ്റ്റുകൾ പ്രധാന ഗ്രിഡിലേക്ക് ചേർക്കാൻ ഇൻസ്റ്റഗ്രാം മൂന്ന് ഓപ്ഷനുകൾ നൽകുന്നുണ്ട്:

• ടാഗ് ചെയ്യപ്പെടുമ്പോൾ ലഭിക്കുന്ന ഡയറക്റ്റ് മെസ്സേജ് നോട്ടിഫിക്കേഷനിൽനിന്ന് നേരിട്ട്.
• ടാഗ് ചെയ്ത പോസ്റ്റിന്റെ ത്രീ-ഡോട്ട് മെനുവിൽനിന്ന്.
• 'ടാഗ്ഡ്' ടാബിൽ പോസ്റ്റ് അമർത്തിപ്പിടിച്ചുകൊണ്ട്.

ടാഗ് ചെയ്ത പോസ്റ്റ് പ്രധാന ഗ്രിഡിലേക്ക് മാറ്റുന്നത് യഥാർത്ഥ പോസ്റ്റിനെയോ 'ടാഗ്ഡ്' സെക്ഷനെയോ ബാധിക്കുകയോ മാറ്റം വരുത്തുകയോ ഇല്ല. പിന്നീട് ഈ പോസ്റ്റുകൾ പ്രധാന ഗ്രിഡിൽനിന്ന് ഒഴിവാക്കിയാലും യഥാർത്ഥ അപ്‌ലോഡ് ഡിലീറ്റ് ചെയ്യപ്പെടില്ല.

പുതുതായി ചേർക്കുന്ന പോസ്റ്റുകൾ ഡിഫോൾട്ടായി റിവേഴ്സ്-ക്രോണോളജിക്കൽ ക്രമത്തിലാണ് ഗ്രിഡിൽ ദൃശ്യമാകുക. എന്നാൽ, മുൻകൂട്ടി പ്രൊഫൈൽ ഗ്രിഡ് ക്രമീകരിച്ചിട്ടുള്ള ഉപയോക്താക്കളുടെ ലേഔട്ട് തനിയെ റീസെറ്റ് ആകില്ല. ക്രിയേറ്റർ കൊളാബറേഷനുകളും ടാഗ് ചെയ്യപ്പെടുന്ന ഗ്രൂപ്പ് ഇമേജുകളും മറ്റും പ്രൊഫൈൽ ഗ്രിഡിൽ കാണിക്കാനും അത് ഫോളോവർമാരിലേക്ക് എത്തിക്കാനും ഇതുവഴി സാധിക്കും.

Content Highlights: Instagram has launched a new global feature allowing users to add tagged posts directly to their main profile grid without affecting the original post or tagged section.