ഏഷ്യൻ ഗെയിംസ് ലോങ്ജംപിൽ ഇന്ത്യയുടെ സ്വർണ പ്രതീക്ഷ; ആവേശപ്പോരാട്ടത്തിന് ആൻസി

വനിതാ ലോങ്ജംപിൽ 22 വർഷം പഴക്കമുള്ള ദേശീയ റെക്കോഡ് അടുത്തിടെ തിരുത്തിയ ആത്മവിശ്വാസത്തിലാണ് മലയാളി താരം ആൻസി സോജൻ ഏഷ്യൻ ഗെയിംസിനു തയ്യാറെടുക്കുന്നത്. ചൈനയിലെ ഹാങ്ചൗവിൽ കഴിഞ്ഞതവണ നേടിയ വെള്ളി ഇത്തവണ മികച്ച പ്രകടനം നടത്തി സ്വർണമാക്കുകയാണ് ആൻസിയുടെ ലക്ഷ്യം.

2004 ആതൻസ് ഒളിംപിക്‌സിൽ മലയാളിയായ അഞ്ജു ബോബി ജോർജ് കുറിച്ച 6.83 മീറ്റർ ഇക്കഴിഞ്ഞ ജൂണിൽ ഭുവനേശ്വറിൽ അന്തസ്സംസ്ഥാന മീറ്റിൽ ആൻസി 6.88 മീറ്ററായി തിരുത്തിയിരുന്നു. കഴിഞ്ഞതവണ ഏഷ്യൻ ഗെയിംസിൽ 6.63 മീറ്റർ ചാടിയാണ് വെള്ളിനേടിയത്. ലോക റാങ്കിങ്ങിൽ ഏഷ്യയിൽ മുൻനിരയിലുള്ള ആൻസിയിലൂടെ രാജ്യം ഒരു സ്വർണം പ്രതീക്ഷിക്കുന്നുണ്ട്. കഴിഞ്ഞവർഷം ദക്ഷിണകൊറിയയിലെ ഗുമിയിൽ നടന്ന ഏഷ്യൻ അത്ലറ്റിക് ചാമ്പ്യൻഷിപ്പിൽ വെള്ളി നേടി. ഇക്കഴിഞ്ഞ ഫെബ്രുവരിയിൽ ചൈനയിലെ ജിയാൻജിനിൽ നടന്ന ഏഷ്യൻ ഇൻഡോർ ചാമ്പ്യൻഷിപ്പിൽ 6.21 മീറ്റർ ചാടി മൂന്നാം സ്ഥാനത്തുമെത്തി. ഏഷ്യൻ ഗെയിംസിനു മുന്നോടിയായി ഭുവനേശ്വറിലുള്ള ആൻസി എട്ടുവരെ ഇവിടെ പരിശീലനം തുടരും. പത്തിന് ന്യൂഡൽഹിയിൽ നടക്കുന്ന കായികക്ഷമതാ മത്സരത്തിൽ പങ്കെടുക്കും. തുടർന്ന് ജപ്പാനിലേക്കു തിരിക്കും. ആൻസിക്കൊപ്പം ശൈലി സിങ്ങും ലോങ്ജംപിൽ മത്സരിക്കുന്നുണ്ട്.

Content Highlights: Ancy Sojan broke the 22-year-old national long jump record with a 6.88m jump., She aims to convert her previous silver medal into gold at the Asian Games., She is currently training in Bhubaneswar before heading to Japan via New Delhi.