ന്യൂസീലൻഡിനെതിരായ സൗഹൃദ മത്സരം; ബ്ലാസ്‌റ്റേഴ്‌സ് താരം മുഹമ്മദ് സനാൻ ഇന്ത്യൻ ടീമിൽ

കൊച്ചി: കേരള ബ്ലാസ്റ്റേഴ്‌സ് താരം മുഹമ്മദ് സനാൻ ഇന്ത്യൻ ടീമിനൊപ്പം ചേർന്നു. ന്യൂസീലൻഡിനെതിരായ സൗഹൃദ മത്സരത്തിനുള്ള ഇന്ത്യൻ ടീമിലാണ് സനാൻ ഇടം നേടിയത്. മുന്നേറ്റതാരം എഡ്മണ്ട് ലാൽറിൻഡികയ്ക്ക് പരിക്കേറ്റതിനെ തുടർന്ന് പകരക്കാരനായാണ് സനാൻ ടീമിലെത്തിയത്.

ന്യൂസീലൻഡിൽ രണ്ട് സൗഹൃദ മത്സരങ്ങളാണ് ഇന്ത്യ കളിക്കുന്നത്. നവംബർ 12-ന് ഓക്ക്‌ലാൻഡിലാണ് ആദ്യ മത്സരം. നവംബർ 15-ന് ക്രൈസ്ര്റ്റ്ചർച്ചിൽ രണ്ടാം മത്സരവും നടക്കും. സൗഹൃദ മത്സരത്തിനുള്ള 23 അംഗ ടീമിനെ കോച്ച് ഖാലിദ് ജമീൽ കഴിഞ്ഞ ദിവസം പ്രഖ്യാപിച്ചിരുന്നു.

പ്രതിരോധ താരം ബിയോജ് വർഗീസ്, മധ്യനിര താരങ്ങളായ ആഷിഖ് കുരുണിയൻ, ജിതിൻ എംഎസ്, മുന്നേറ്റതാരം മുഹമ്മദ് സുഹൈൽ എന്നീ മലയാളി താരങ്ങളും ടീമിലുണ്ട്.

Content Highlights: Kerala Blasters forward Mohammed Sanan has been added to the Indian football team., He replaces injured forward Edmund Lalrindika for the New Zealand tour., India will play two friendly matches in New Zealand on November 12 and November 15., Other Malayali players in the 23-member squad include Bijoy Varghese, Ashique Kuruniyan, Jitin MS, and Mohammed Suhail.