തരംഗമായി മെസ്സിയുടെ വിജയാഘോഷം, പ്രശംസിച്ച് ഹാരി കെയിൻ
അറ്റ്ലാന്റ: ലോകകപ്പ് ഫൈനൽ പ്രവേശത്തിനു പിന്നാലെ അർജന്റീന ഇതിഹാസം ലയണൽ മെസ്സി നടത്തിയ ആവേശാഘോഷത്തിന്റെ ദൃശ്യങ്ങൾ സമൂഹമാധ്യമങ്ങളിൽ വൈറൽ. ഫൈനൽ വിസിൽ മുഴങ്ങിയതോടെ മെസ്സി സഹതാരങ്ങൾക്കും ആരാധകർക്കുമൊപ്പം വിജയം ആഘോഷിച്ചു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയാണ്.
ടൂർണമെന്റിൽ ഏറ്റവും കൂടുതൽ ഗോളുകൾ നേടിയ താരമായ മെസ്സി സെമിയിൽ ഗോൾ നേടിയില്ലെങ്കിലും നിർണായകമായ രണ്ട് അസിസ്റ്റുകളിലൂടെ മത്സരത്തിന്റെ ഗതി മാറ്റി. 39-ാം വയസ്സിലും ലോക ഫുട്‌ബോളിലെ ഏറ്റവും സ്വാധീനമുള്ള താരങ്ങളിൽ ഒരാളാണെന്ന് അദ്ദേഹം വീണ്ടും തെളിയിച്ചു.
മത്സരശേഷം ഇംഗ്ലണ്ട് നായകൻ ഹാരി കെയ്‌നും മെസ്സിയെ പ്രശംസിച്ചു. 'മത്സരത്തിന്റെ വലിയൊരു ഭാഗത്ത് മെസ്സിയെ ഞങ്ങൾക്ക് നിയന്ത്രിക്കാനായി. പക്ഷേ, ലോകത്തിലെ ഏറ്റവും മികച്ച താരങ്ങൾക്ക് അവസാന മൂന്നിലൊന്നിൽ പന്ത് ലഭിക്കുമ്പോൾ അവർ കളിയുടെ ഗതി മാറ്റും. ഇന്ന് മെസ്സി അതാണ് ചെയ്തത്. എക്കാലത്തെയും മികച്ച താരങ്ങളിൽ ഒരാളാണ് അദ്ദേഹം' -കെയ്ൻ പറഞ്ഞു.
റൗണ്ട് ഓഫ് 16-ൽ ഈജിപ്തിനെതിരേ അവസാന നിമിഷങ്ങളിൽ നേടിയ തിരിച്ചുവരവിന് പിന്നാലെ സെമിയിലും അതേ പോരാട്ടവീര്യം പുറത്തെടുത്ത അർജന്റീന ഇനി ഫൈനലിൽ സ്‌പെയിനെ നേരിടും.
🌟🎥: Lionel Messi’s celebration after Argentina made it to the World Cup final is magnificent. Look at the joy in his eyes.
VIDEO ⬇️ pic.twitter.com/9cqMXtSt7d— Culers Pro (@CulersPro) July 15, 2026
Content Highlights: Lionel Messi leads Argentina to the 2026 World Cup final with key assists., Harry Kane praises Messi's ability to change the game in the final third., Argentina set to face Spain in the 2026 World Cup final showdown., Messi continues to dominate at 39 years old as a top-tier playmaker.