ന്യൂയോര്ക്ക് സിറ്റിയെ 5-1ന് തകര്ത്തു, മെസ്സിക്ക് അസിസ്റ്റ്; ഇന്റര് മയാമി ആദ്യമായി MLS കപ്പ് ഫൈനലില്
ന്യൂയോര്ക്ക്: ഈസ്റ്റേണ് കോണ്ഫറന്സ് പ്ലേ ഓഫില് ന്യൂയോര്ക്ക് സിറ്റി എഫ്സിയെ 5-1 ന് തകര്ത്ത് ഇന്റര് മയാമി ആദ്യമായി എംഎല്എസ് കപ്പ് ഫൈനലില്. ടാഡിയോ അയൻഡെയുടെ ഹാട്രിക്കും മാറ്റിയോ സില്വെറ്റിയുടെയും ടെലാസ്കോ സെഗോവിയയുടെയും ഗോളുകളുമാണ് മയാമിക്ക് തകര്പ്പന് ജയം സമ്മാനിച്ചത്. ജയത്തോടെ എംഎല്എസ് ഈസ്റ്റേണ് കോണ്ഫറന്സ് കിരീടവും ഇന്റര് മയാമി സ്വന്തമാക്കി.
സാന് ഡീഗോ എഫ്സിയും വാന്കൂവര് വൈറ്റ്ക്യാപ്സും തമ്മില് നടക്കുന്ന വെസ്റ്റേണ് കോണ്ഫറന്സ് ഫൈനല് വിജയിയെ ഡിസംബര് ഏഴിന് ഇന്ത്യന് സമയം പുലര്ച്ചെ നടക്കുന്ന എംഎല്എസ് കപ്പ് ഫൈനലില് മയാമി നേരിടും.
മത്സരത്തിലുടനീളം തിളങ്ങിയത് അര്ജന്റീനിയന് താരമായ അയൻഡെയായിരുന്നു. 14, 23, 89 മിനിറ്റുകളിലായിരുന്നു താരത്തിന്റെ ഗോളുകള്. 67-ാം മിനിറ്റില് മാറ്റിയോ സില്വെറ്റിയുടെ ഗോളിന് വഴിയൊരുക്കി ലയണല് മെസ്സിയും മത്സരത്തില് തിളങ്ങി. 83-ാം മിനിറ്റിലായിരുന്നു ടെലാസ്കോ സെഗോവിയയുടെ ഗോള്.
Content Highlights: Inter Miami secures a historic spot in the MLS Cup Final after a dominant 5-1 victory over NYCFC. Messi provides a crucial assist. Don`t miss the final!