സാഫ് ചാമ്പ്യൻഷിപ്പ്: ഭൂട്ടാനെ വീഴ്ത്തി ഇന്ത്യ ഫൈനലിൽ

ധാക്ക: സാഫ് ചാമ്പ്യൻഷിപ്പിൽ ഭൂട്ടാനെ ഒന്നിനെതിരെ രണ്ട് ഗോളിന് പരാജയപ്പെടുത്തി ഇന്ത്യ ഫൈനലിൽ. ഇന്ത്യക്കായി മലയാളി താരം വിഷ്ണു പി.വിയും ക്യാപ്റ്റൻ ചിൻഗ്ലെൻസെന കോൻഷമും ഗോൾ നേടി. കിങ്‌സാങ് താഷിയാണ് ഭൂട്ടാന്റെ ഗോൾ സ്‌കോറർ.

ഒമ്പതാം മിനിറ്റിൽ വിഷ്ണുവിലൂടെ ഇന്ത്യ ലീഡെടുത്തു. 27-ാം മിനിറ്റിലായിരുന്നു കോൻഷമിന്റെ ഗോൾ വന്നത്. രണ്ടാം പകുതിയിലാണ് ഭൂട്ടാൻ ഒരു ഗോൾ തിരിച്ചടിച്ചത്.

ഗ്രൂപ്പ് ബിയിൽ നിന്ന് ജേതാക്കളായാണ് ഇന്ത്യ സെമിയിലെത്തിയത്. പാകിസ്താനെ 3-2ന് തോൽപ്പിച്ച് തുടങ്ങിയ ഇന്ത്യ രണ്ടാം മത്സരത്തിൽ മാലദ്വീപിനേയും പരാജയപ്പെടുത്തി. നിലവിലെ ചാമ്പ്യൻമാരായ ഇന്ത്യ രണ്ടാം നിര ടീമുമായാണ് ചാമ്പ്യൻഷിപ്പിനെത്തിയത്. ന്യൂസീലൻഡുമായി സൗഹൃദ മത്സരമുള്ളതിനാലാണ് സാഫിൽ ഇന്ത്യ രണ്ടാം നിരയെ അയച്ചത്.

Content Highlights: India defeated Bhutan 2-1 to reach the SAFF Championship final., Malayali player Vishnu P.V. and captain Chinglensana Konsham scored for India., India is participating in the tournament with a second-string squad due to upcoming friendlies against New Zealand.