ഹാരി കെയ്‌ന് ബാലൺദ്യോർ; 25 വർഷങ്ങൾക്കുശേഷം ഈ പുരസ്കാരം സ്വന്തമാക്കുന്ന ആദ്യ ഇംഗ്ലീഷ് താരം
ലണ്ടൻ: ബാലൺദ്യോർ പുരസ്കാരം ഇംഗ്ലണ്ട് സ്‌ട്രൈക്കർ ഹാരി കെയ്‌ന്. 25 വർഷങ്ങൾക്കുശേഷം ആദ്യമായി ഈ പുരസ്കാരം സ്വന്തമാക്കുന്ന ഇംഗ്ലീഷ് താരമാണ് ഹാരി കെയ്ൻ. 2001-ൽ മൈക്കൽ ഓവനാണ് ഇതിന് മുമ്പ് ബാലൺദ്യോർ നേടിയ ഇംഗ്ലീഷ് താരം.
ബാഴ്‌സലോണയുടെ സ്പാനിഷ് താരം ലാമിൻ യമാൽ, റയൽ മാഡ്രിഡിന്റെ ഫ്രഞ്ച് താരം കിലിയൻ എംബാപ്പെ എന്നിവരെ പിന്നിലാക്കിയാണ് ബയേൺ മ്യൂണിക്ക് താരം കൂടിയായ ഹാരി കെയ്ൻ പുരസ്കാരം നേടിയത്.
സ്പാനിഷ് താരമായ അലക്‌സിസ് പ്യുട്ടയാസാണ് മികച്ച വനിതാ താരം. അലക്‌സിന്റെ മൂന്നാം ബാലൺദ്യോറാണിത്. ലാമിൻ യമാലാണ് മികച്ച കൗമാരപ്രതിഭ. വിക്കി ലോറസാണ് വനിതകളിലെ മികച്ച യുവതാരം. സ്‌പെയ്ൻ പരിശീലകൻ ലൂയിസ് ഡി ലാ ഫ്യുവന്തെ മികച്ച പരിശീലകനായും തിരഞ്ഞെടുക്കപ്പെട്ടു. മികച്ച ക്ലബ്ബിനുള്ള പുരസ്കാരം ഫ്രഞ്ച് ക്ലബ്ബ് പി.എസ്.ജി നേടി. വനിതാ വിഭാഗത്തിൽ ബാഴ്‌സലോണയാണ് മികച്ച ക്ലബ്ബ്. പെരെ റൊമേവു മികച്ച വനിതാ കോച്ചായും തിരഞ്ഞെടുക്കപ്പെട്ടു. ചാർലിൻ കോറൽ മികച്ച വനിതാ സ്‌ട്രൈക്കർ ആയും ഉനായ് സിമോൺ മികച്ച പുരുഷ ഗോളിയുമായി.
ലോകകപ്പിൽ ഇംഗ്ലണ്ടിനെ മൂന്നാമതെത്തിക്കുന്നതിൽ നിർണായക പങ്കുവഹിച്ച കെയ്ൻ ബയേൺ മ്യൂണിക്കിനൊപ്പം കഴിഞ്ഞ സീസണിൽ രണ്ട് കിരീടങ്ങളും നേടി. 65 മത്സരങ്ങളിൽ നിന്ന് 73 ഗോളുകളും എട്ട് അസിസ്റ്റുകളും കെയ്ൻ സ്വന്തമാക്കി. ബയേണിനൊപ്പം ബുണ്ടസ് ലിഗയും ജർമൻ കപ്പും നേടി.
കെയ്ൻ ഒന്നാമതെത്തിയപ്പോൾ എംബാപ്പെയാണ് പട്ടികയിൽ രണ്ടാം സ്ഥാനം സ്വന്തമാക്കിയത്. യമാൽ മൂന്നാമതും റോഡ്രി നാലാമതുമെത്തി. ലയണൽ മെസ്സി അഞ്ചാം സ്ഥാനമാണ് നേടിയത്. ഫ്രഞ്ച് ഫുട്ബോൾ മാസികയായ ഫ്രാൻസ് ഫുട്ബോളും യുവേഫയും ചേർന്നാണ് പുരസ്കാരം നൽകുന്നത്.
Content Highlights: Harry Kane won the 2026 Ballon d'Or, ending a 25-year drought for English players since Michael Owen in 2001., He surpassed Kylian Mbappe and Lamine Yamal to claim the prestigious award., Kane scored 73 goals in 65 matches and won the Bundesliga and German Cup with Bayern Munich., Lamine Yamal was named best young talent, while PSG won the best club award.