തുടക്കം മിന്നിച്ച് ഗണ്ണേഴ്‌സ്, കോവെൻട്രി സിറ്റിയെ എതിരില്ലാത്ത മൂന്നുഗോളുകൾക്ക് തകർത്തു

ലണ്ടൻ: ഇംഗ്ലീഷ് പ്രീമിയർ ലീഗിൽ ജയത്തോടെ തുടങ്ങി ആഴ്‌സണൽ. കോവെൻട്രി സിറ്റിയെ എതിരില്ലാത്ത മൂന്നുഗോളുകൾക്കാണ് ആഴ്‌സണൽ തകർത്തത്. നിലവിലെ ജേതാക്കളായ ആഴ്‌സണൽ കിരീടം നിലനിർത്തുക ലക്ഷ്യമിട്ടാണ് പുതിയ സീസണിൽ കളിക്കാനിറങ്ങിയത്.

മത്സരത്തിലുടനീളം ആധിപത്യത്തോടെയാണ് അർട്ടേറ്റയും സംഘവും പന്തുതട്ടിയത്. പ്രീമിയർ ലീഗിലേക്ക് സ്ഥാനക്കയറ്റം കിട്ടിയെത്തിയ കോവെൻട്രി സിറ്റി ആഴ്‌സണൽ മുന്നേറ്റങ്ങളെ പ്രതിരോധിക്കാൻ പാടുപെട്ടു. ഇരുവിങ്ങുകളിൽ നിന്നും നിരനിരയായി മുന്നേറ്റങ്ങളെത്തി. ഒടുക്കം 15-ാം മിനിറ്റിൽ തന്നെ ആഴ്‌സണൽ മുന്നിലെത്തി. കായ് ഹവേർട്‌സാണ് വലകുലുക്കിയത്. ആഴ്‌സണൽ കൗണ്ടർ അറ്റാക്കുകൾ കോവെൻട്രി സിറ്റിയുടെ ഗോൾമുഖം വിറപ്പിച്ചു. പിന്നാലെ രണ്ടാം ഗോളുമെത്തി. ബുകായോ സാക്കയാണ് ഗോളടിച്ചത്.

ആദ്യ പകുതി എതിരില്ലാത്ത രണ്ടുഗോളുകൾക്ക് ഗണ്ണേഴ്‌സ് മുന്നിട്ടുനിന്നു. രണ്ടാം പകുതിയുടെ തുടക്കത്തിലും ആഴ്‌സണൽ ലീഡുയർത്തി. 49-ാം മിനിറ്റിൽ മാർട്ടിൻ ഒഡേഗാർഡാണ് വലകുലുക്കിയത്. അതോടെ കോവെൻട്രി സിറ്റി പരാജയം ഉറപ്പിച്ചു. പിന്നീട് മത്സരത്തിലേക്ക് തിരിച്ചുവരാനായില്ല. എമിറേറ്റ്‌സിൽ ജയത്തോടെ അർട്ടേറ്റയും സംഘവും മടങ്ങി.

Content Highlights: Arsenal secured a 3-0 victory against Coventry City in their Premier League opener., Kai Havertz scored the opening goal in the 15th minute., Bukayo Saka and Martin Odegaard added the remaining goals to seal the dominant win