ഒടുവിലത്തെ ക്രിക്കറ്റ് ലെജന്റ്! ശിഷ്യന്‍ ഏതൊക്കെ കാര്യത്തില്‍ ഗുരുവിനെ മറികടക്കും?

സച്ചിന്‍ ദൈവമാണോയെന്ന ചോദ്യത്തിന് നിങ്ങളുടെ നാട്ടില്‍ ഏറ്റവും വിശ്വാസികളുള്ള മതം ക്രിക്കറ്റാണല്ലോയെന്ന മുന്‍ ഓസ്ട്രേലിയന്‍ ക്യാപ്റ്റന്‍ സ്റ്റീവ് വോയുടെ മറുപടി ഓര്‍മയിലുണ്ട്. ക്രിക്കറ്റ് താരങ്ങള്‍ക്ക് ഇന്ത്യയില്‍ ലഭിക്കുന്ന പ്രാധാന്യത്തിലും പ്രോല്‍സാഹനത്തിലും സ്റ്റീവിന് അല്‍പം അസൂയയുണ്ടെന്ന് തോന്നിയിരുന്നു. സ്റ്റീവ് പറഞ്ഞതില്‍ അതിശയോക്തി ഉണ്ടാവാമെങ്കിലും ലോകത്തെ മറ്റൊരു രാജ്യത്തും ജനസംഖ്യയുടെ സിംഹഭാഗവും ഏതെങ്കിലും ഒരു പ്രത്യേക കായിക ഇനത്തോട് ഇത്രയ്ക്ക് അഭിനിവേശം പുലര്‍ത്തുന്നുണ്ടാവില്ല.

ലോകകപ്പ് നേട്ടങ്ങള്‍ ഉള്‍പ്പെടെ ഇന്ത്യന്‍ ജനതയ്ക്ക് മതിമറന്ന് ആഘോഷിക്കാന്‍ പോന്ന വിജയങ്ങള്‍ ചെറിയ ഇടവേളകളില്‍ ദേശീയ ക്രിക്കറ്റ് ടീം ആരാധകര്‍ക്ക് സമ്മാനിക്കുന്നുമുണ്ട്. മാത്രമല്ല പൊതുവെ വ്യക്ത്യാരാധനയില്‍ തല്‍പരരായ ഇന്ത്യക്കാര്‍ക്ക് എക്കാലവും തലയിലേറ്റാന്‍ പോന്ന ക്രിക്കറ്റ് താരങ്ങള്‍ പ്രത്യേകിച്ചും ബാറ്റര്‍മാര്‍ അതാത് കാലത്ത് ഉയര്‍ന്നുവരികയും ചെയ്യുന്നു. എഴുപതുകളിലും എണ്‍പതുകളിലും അത് സുനില്‍ ഗാവസ്‌കറായിരുന്നു. ഗാവസ്‌കര്‍ കളമൊഴിഞ്ഞ് ചെറിയൊരു ഇടവേളയ്ക്ക് ശേഷം സച്ചിന്‍ തെണ്ടുല്‍ക്കറെത്തി. സച്ചിനുശേഷം ആരെന്ന ചോദ്യമുയരുമ്പോള്‍, അദ്ദേഹം രംഗം വിടുന്നതിന് മുമ്പെ തന്നെ വിരാട് കോലി ഉയര്‍ന്നുവന്നു.

Content Highlights: Virat Kohli Sachin Tendulkar Cricket Legend Cricket Records Batting Average ODI Centuries Test