'ലോകം കുലുക്കി' ബാറ്റിങ്ങും 'ചെത്തിയിട്ട' ഗോളും-ഒരു കളിയെഴുത്തുകാരന്‍ ഗ്യാലറിയിലിരുന്ന് എഴുതിക്കൂട്ടിയത്

'സംഗീതവും സ്‌പോര്‍ട്‌സും തമ്മിലുള്ള സാദൃശ്യം, രണ്ടും ഒരു പോലെ, ഒരു രാഷ്ട്രത്തെയോ ജനതയേയോ ഭ്രാന്തു പിടിപ്പിക്കാന്‍ പോന്നതാണ് എന്നതാകുന്നു ..' -ബ്രാഡ്മാനെക്കുറിച്ച് വിംസീ എഴുതിയ ഒരു ലേഖനം (മാതൃഭൂമി ആഴ്ചപ്പതിപ്പ്) തുടങ്ങുന്നത് ഇങ്ങിനെയാണ്. കളിക്കമ്പത്തെ 'ഭ്രാന്തെ'ന്നു പരിഹസിക്കുന്നവര്‍ക്കിടയില്‍ 'മുഴുഭ്രാന്ത'നായി ജന്മം മുഴുവന്‍ ജീവിച്ചു തീര്‍ത്ത ഒരാളുടെ തികച്ചും സംഗീതാത്മകമായ വിശദീകരണം. അതിലദ്ഭുതമില്ല: തന്റെ വായനക്കാര്‍ക്കൊപ്പം ഗ്യാലറിയിലായിരുന്നു എന്നും അദ്ദേഹത്തിന്റെയും ഇരിപ്പ്.

മര്‍മരമായി തുടങ്ങി, കടലിരമ്പമായി വളരുന്ന ഗ്യാലറികളുടെ ശബ്ദമാണ് ലോകത്തേറ്റവും ഉദാത്തമായ ശുദ്ധസംഗീതമെന്ന് വിശ്വസിച്ച പത്രപ്രവര്‍ത്തകനായിരുന്നു വിംസീ എന്ന വി.എം. ബാലചന്ദ്രന്‍. ഇന്ന് വിംസീയുടെ ജന്മശതാബ്ദി. കളിയെഴുത്തിനെ കളിയോളം തന്നെ അസ്തിത്വമുള്ള ഒന്നായി വളര്‍ത്തിയെടുക്കാന്‍ സ്വയം ഉഴിഞ്ഞു വെച്ച സ്‌പോര്‍ട്‌സ് എഡിറ്റര്‍. കാണികളുടെ പക്ഷത്തു നിന്നല്ലാതെ ഒരു വാക്കോ വരിയോ എഴുതിയിട്ടില്ലാത്ത ഒരാള്‍. അക്ഷരങ്ങളിലൂടെയും കളി ആസ്വദിക്കാമെന്നു മലയാളിയെ പഠിപ്പിച്ച ഗുരു.

Content Highlights: Celebrating V.M. Balachandran `Vimsee`, a sports journalist who brought passion and honesty from the stands to Malayalam print media. A true legend on his birth centenary.