കപ്പടിച്ചാൽ കോളടിച്ചു; ടി20 ലോകകപ്പ് നേടുന്ന ടീമിന് റെക്കോഡ് സമ്മാനത്തുക, ആകെ 120 കോടി

അഹമ്മദാബാദ്: ഇത്തവണത്തെ ടി20 ലോകകപ്പ് വിജയികൾക്ക് ലഭിക്കാൻ പോകുന്നത് റെക്കോഡ് സമ്മാനത്തുക. കഴിഞ്ഞ തവണത്തേക്കാൾ 20 ശതമാനം വർധനവാണ് സമ്മാനത്തുകയിൽ വരുത്തിയിരിക്കുന്നത്. ടൂർണമെന്റിലെ ആകെ സമ്മാനത്തുക മുൻ വർഷത്തേക്കാൾ 20 ശതമാനം വർധിപ്പിച്ച് ഇത്തവണ 13.5 ദശലക്ഷം ഡോളറായി നിശ്ചയിച്ചിട്ടുണ്ട്. അതായത് ഏകദേശം 120 കോടി ഇന്ത്യൻ രൂപയാണ് ഇത്തവണ ടൂർണമെന്റിലെ ആകെ സമ്മാനത്തുക. അതായത് 2024-ലെ ടൂർണമെന്റിനെ അപേക്ഷിച്ച് സമ്മാനത്തുകയിൽ 20 ശതമാനം വർധനവ്.

കിരീടം നേടുന്ന ടീമിന് ഏകദേശം 27.48 കോടി രൂപയും രണ്ടാം സ്ഥാനക്കാർക്ക് 14.65 കോടി രൂപയുമാണ് ലഭിക്കുക. സെമിഫൈനലിൽ പുറത്തായ ദക്ഷിണാഫ്രിക്കയ്ക്കും ഇംഗ്ലണ്ടിനും 7.24 കോടി രൂപ വീതം ലഭിക്കും. സൂപ്പർ എട്ടിലെത്തി പുറത്തായ ടീമുകൾക്ക് ഏകദേശം 3.48 കോടി രൂപ വീതമാണ് ലഭിക്കുക. ടൂർണമെന്റിന്റെ ആദ്യ റൗണ്ടിൽ പങ്കെടുത്ത എല്ലാ ടീമുകൾക്കും കുറഞ്ഞത് 2.29 കോടി രൂപ വീതം ലഭിക്കും.

ഐസിസിയുടെ ഔദ്യോഗിക സമ്മാനത്തുകയ്ക്ക് പുറമെ, ദേശീയ ക്രിക്കറ്റ് ബോർഡുകൾ ടീമുകൾക്ക് അധിക ബോണസും നൽകാറുണ്ട്. ഉദാഹരണത്തിന്, 2024-ൽ ഇന്ത്യ കിരീടം നേടിയപ്പോൾ ബിസിസിഐ ടീമിന് 125 കോടി രൂപയുടെ ബോണസ് പ്രഖ്യാപിച്ചിരുന്നു. 2026-ലും സൂര്യകുമാർ യാദവിന്റെ നേതൃത്വത്തിലുള്ള ഇന്ത്യൻ ടീം വിജയിക്കുകയാണെങ്കിൽ സമാനമായ പാരിതോഷികം പ്രതീക്ഷിക്കാം.

Content Highlights: Total tournament prize pool increased by 20% to $13.5 million (approx 120 crore INR)., Winner takes home 27.48 crore INR, with runners-up receiving 14.65 crore INR., Financial breakdown includes payouts for semi-finalists, Super 8, and first-round teams., BCCI's additional performance bonuses often supplement ICC prize money.