ഇന്ത്യ-ദക്ഷിണാഫ്രിക്ക ട്വന്റി-20 കാര്യവട്ടത്ത് നടക്കും; മത്സരം സെപ്റ്റംബറില്‍
തിരുവനന്തപുരം: കേരളത്തിലെ ക്രിക്കറ്റ് ആരാധകര്‍ക്ക് ആവേശം പകര്‍ന്നുകൊണ്ട് ഇന്ത്യയുടെ ട്വന്റി-20 മത്സരത്തിന് വീണ്ടും കേരളം വേദിയാകുന്നു. ഇന്ത്യയും സൗത്ത് ആഫ്രിക്കയും തമ്മിലുളള ട്വന്റി-20 മത്സരം തിരുവനന്തപുരം കാര്യവട്ടത്തെ ഗ്രീന്‍ഫീല്‍ഡ് അന്താരാഷ്ട്ര സ്റ്റേഡിയത്തില്‍ വെച്ചാണ് നടക്കുക. സെപ്റ്റംബര്‍ 28 നാണ് മത്സരം.
ഈ സ്റ്റേഡിയത്തില്‍ അവസാനമായി ഇന്ത്യ കളിച്ചത് വെസ്റ്റിന്‍ഡീസിനെതിരേയായിരുന്നു. 2019 ഡിസംബര്‍ എട്ടിന് നടന്ന ട്വന്റി-20 മത്സരമായിരുന്നു അത്. അന്ന് വെസ്റ്റ് ഇന്‍ഡീസിനായിരുന്നു വിജയം.
ദക്ഷിണാഫ്രിക്കയ്‌ക്കെതിരായ പരമ്പരയിലെ അവസാന മൂന്ന് ഏകദിന മത്സരങ്ങള്‍ ഒക്ടോബറില്‍ ഡല്‍ഹിയില്‍ വെച്ചാണ് നടക്കുക. ഒക്ടോബറില്‍ ആരംഭിക്കുന്ന ട്വന്റി-20 ലോകകപ്പിന് മുന്നോടിയായി ഓസ്‌ട്രേലിയയ്‌ക്കെതിരേയും ഇന്ത്യ കളിക്കുന്നുണ്ട്.
Content Highlights: Karyavattom stadium to host India- South Africa T20 match in September