'നമ്മള് വിട്ടുകൊടുക്കില്ല'; കൊറോണയ്ക്കെതിരേ പാട്ടിലൂടെ പോരാട്ടവുമായി ബ്രാവോ
സെന്റ് ലൂസിയ: കൊറോണയ്ക്കെതിരേ പാട്ടിലൂടെ പോരാട്ടവുമായി വെസ്റ്റിന്ഡീസ് ക്രിക്കറ്റ് താരം ഡ്വെയ്ന് ബ്രാവോ. കൊവിഡ്-19നെക്കുറിച്ച് പാട്ടൊരുക്കിയാണ് മികച്ച ഗായകന് കൂടിയായ ബ്രാവോയുടെ പോരാട്ടം. തന്റെ ഔദ്യോഗിക ഇന്സ്റ്റഗ്രാം പേജില് ബ്രാവോ ഈ പാട്ട് ആരാധകര്ക്കായി പങ്കുവെച്ചു.
ഈ മഹാമാരിക്കു മുന്നില് നമ്മള് കീഴടങ്ങില്ലെന്നും ഈ പ്രതിസന്ധിയില് ഒരു പോസിറ്റീവ് സംഗീതം ആസ്വദിക്കാമെന്നുമുള്ള കുറിപ്പോടു കൂടിയാണ് ബ്രാവോ ഈ പാട്ട് പങ്കുവെച്ചത്. #StayHomeStaySafe എന്ന ഹാഷ്ടാഗും ഈ കുറിപ്പിനൊപ്പമുണ്ടായിരുന്നു. 'നമ്മള് വിട്ടുകൊടുക്കില്ല' എന്നാണ് പാട്ടിന്റെ പേര്.
കൊവിഡ്-19 ബാധിച്ച് 28,000ത്തിലേറെ പേരാണ് ഇതിനകം ലോകത്തിന്റെ വിവിധ ഭാഗങ്ങളിലായി മരിച്ചത്. ആറു ലക്ഷത്തിലധികം ആളുകളെ രോഗം ബാധിച്ചു.
content highlights: Dwayne bravo urges people to fight against Coronavirus
Content Highlights: