പെണ്ണാണേല് രാത്രിയായാല് വീട്ടില് കയറണം; 'മഞ്ഞുമ്മല് ഗേള്സ്' വിദൂരമായ സ്വപ്നം മാത്രം
'ഇടുക്കിയിലേക്ക് ജോലിയുടെ ഭാഗമായി യാത്ര പോയതാണ്. ചെറുതോണിയില് ഒരു ഹോട്ടലില് റൂമെടുക്കാന് ചെന്നു. ഹസ്ബെന്ഡും ഒപ്പമുണ്ട്. എന്റെ ഐഡിപ്രൂഫ് നല്കി റൂം എടുക്കുമ്പോള് രണ്ട് പേരുടെയും വേണമെന്നായി. അതെന്തിനാണ് എന്ന് ചോദിച്ചപ്പോള് പോലീസ് ചെക്കിങ് ഉണ്ടെന്നായി മറുപടി. നമുക്ക് മുന്നില് രണ്ട് പുരുഷന്മാര് റൂമെടുക്കാനായി നിന്നിരുന്നു. അവരില് ഒരാളുടെ ഐഡിപ്രൂഫ് മാത്രമേ വാങ്ങിയുള്ളൂ..' പുരുഷനും സ്ത്രീയും ഒന്നിച്ച് റൂമെടുക്കുന്നത് സദാചാരസംരക്ഷകര്ക്ക് ഇന്നും കണ്ണുകടിയാണ്.' അധ്യാപികയും എറണാകുളം സ്വദേശിനിയുമായ ഡയാന ഡേവിഡ്.
'സ്ത്രീകള്ക്കുള്ള താമസമെന്ന് പറയും. ഏഴ് അല്ലെങ്കില് എട്ട് മണിക്ക് ഗേറ്റ് അടയ്ക്കും. ഓഫീസില്നിന്ന് വൈകിയിറങ്ങിയാല് കൂട്ടുകാരുടെ വീട്ടില് പോകേണ്ടിവരും. വീട്ടില്നിന്ന് രാത്രി ട്രെയിനിനും ബസിനുമൊക്കെ വന്ന് സ്റ്റാന്ഡിലും സ്റ്റേഷനിലുമിരുന്ന് നേരംവെളുപ്പിച്ചിട്ടുണ്ട്. അവിടെയൊക്കെയുള്ള വെയിറ്റിങ് റൂമുകള് അതിലും കഷ്ടമാണ്.' കൊല്ലത്ത് നിന്ന് കോഴിക്കോട് ബീച്ച് ഹോസ്പിറ്റലില് ജോലിക്കെത്തിയ സോണി സോജിയുടെ അനുഭവം ഇങ്ങനെ.
Content Highlights: safety of women travelling alone at night and patriarchal questions