പൊട്ടിക്കരഞ്ഞ് എന്നെ ഇറുക്കി പിടിച്ച് ആ കുരുന്ന് ചോദിച്ചു, 'ഒരു ഉമ്മ തരുമോ'
യഥാര്ത്ഥത്തില് അധ്യാപക ജീവിതം സംഭവബഹുലം തന്നെയാണ്. ഓരോ ദിവസവും നമുക്ക് കിട്ടുന്നത് ഓരോ തരം ഓര്മ്മകളാണ്. ആ ഓര്മകള് പുതുമയേറിയതാവാം ചിലപ്പോള് സങ്കടമോ സന്തോഷമോ നിരാശയോ അഭിമാനിക്കാവുന്നതോ ആവാം. സ്കൂള് കവാടത്തിലെത്തുമ്പോള് മുതല് വേറൊരു ലോകത്താണ് നമ്മള്. കുട്ടികളുടെ പഠനത്തിലുപരി അവരുടെ കളിയിലും ചിരിയിലും കലാപരിപാടിയിലും അടിപിടിയിലും എന്നുവേണ്ട എല്ലാ കാര്യങ്ങളിലും നാം ഒരുപോലെ ശ്രദ്ധ കൊടുക്കുകയും വേണ്ട നിര്ദ്ദേശങ്ങള് നല്കുകയും ചെയ്യുന്നു. അവരുടെ അഭിരുചികളെ മുന്നിര്ത്തി പ്രവര്ത്തിക്കുന്നു. ചില കുട്ടികളുടെ കുസൃതികള് ഓര്മ്മക്കുറിപ്പിലെ പ്രധാന ഭാഗങ്ങളാകുന്നു.
കുഞ്ഞുമനസ്സുകളുടെ നിഷ്കളങ്കതയ്ക്ക് മുന്നില് എന്തു പറയണമെന്നും എന്ത് ചിന്തിക്കണമെന്നും അറിയാതെ പകച്ചു നിന്നുപോയി. അപ്പോഴേക്കും ആ കുട്ടിയുടെ ശരീരം വിയര്ത്തു തണുത്തിരുന്നു. ഞാന് അവനെ എടുത്ത് എന്റെ മടിയില് വച്ചുകൊണ്ട് ആശ്വാസവാക്കുകള് നല്കുകയും ഇനി ക്ലാസ്സില് വരുമ്പോള് കരയാതെ ചിരിച്ചുകൊണ്ട് വരണം എന്നും പറഞ്ഞു. അന്നുമുതല് അവന് ഇന്നും ചിരിച്ചുകൊണ്ട് മിടുക്കനായി തന്നെ ക്ലാസില് വരുന്നുണ്ട്.
അധ്യാപകരുടെ അകമഴിഞ്ഞ സാമീപ്യത്താല് നിഷ്കളങ്ക മനസ്സുകളെ ഉന്നതങ്ങളില് എത്തിക്കാന് കഴിയട്ടെയെന്ന് ആശംസിക്കുന്നു.
'വെളിച്ചമേകും ഭൂമിക്ക് സൂര്യനെന്നാല്
വെളിച്ചമേകും മര്ത്ത്യന് ഗുരുവെന്നല്ലോ...'
മനുഷ്യന് വെളിച്ചമേകുന്ന ഗുരുവിനെ നമ്മള് ഒരിക്കലും മറക്കുവാന് പാടില്ല. ഗുരുശിഷ്യബന്ധം എന്നും പവിത്രമായി ഇരിക്കട്ടെ എന്നു പറഞ്ഞുകൊണ്ട് ഏവര്ക്കും എന്റെ അധ്യാപക ദിനാശംസകള്.
Content Highlights: teachers day 2023, experience