ഗുരുവിന്റെ മകന് മത്സരരംഗത്തുണ്ടെന്നറിഞ്ഞ് കഥകളിയില്നിന്ന് പിന്മാറി; തുള്ളലില് തിളങ്ങി ദേവവ്രതന്
കഥകളിയാണ് ദേവവ്രതന് ഇഷ്ടം. പക്ഷേ ഗുരുവിന്റെ മകനെതിരേ മത്സരിക്കാന് മനസ്സ് വരാതെ ദേവവ്രതന് ആ ഇനം ഇക്കുറി വേണ്ടെന്നുവെച്ചു.
കഥകളി വേണ്ടെന്ന് വെച്ചെങ്കിലും തുള്ളലില് തിളങ്ങി എ ഗ്രേഡും നേടി. കൊല്ലം പന്മന ഇടപ്പള്ളിക്കോട്ട ദേവരാഗത്തില് അഡ്വ. സേതുമാധവന്റെയും ഡോ. ഹേമാ വി. കൃഷ്ണന്റെയും മകനാണ് ദേവന്.
കഥകളി പഠിപ്പിക്കുന്നത് കലാമണ്ഡലം പ്രശാന്താണ്. പ്രശാന്തിന്റെ മകന് അഭിജിത്ത് പ്രശാന്തും കഥകളി കലാകാരനാണ്. സബ്ബ് ജില്ലാ മത്സരത്തില് ആ കുട്ടിയും മത്സരിക്കുമെന്ന് ദേവന് രക്ഷിതാക്കളോട് പറഞ്ഞു.
കലോത്സവ വാര്ത്തകളും വിശേഷങ്ങളും അറിയാന് വാട്സാപ്പ് ഗ്രൂപ്പില് ജോയിന് ചെയ്യുക
ഗുരുവിന്റെ മകനോട് മത്സരിക്കാന് തനിക്ക് മനസ്സ് വരില്ലെന്ന് അവന് വ്യക്തമാക്കി. ദേവന്റെ മനസ്സ് രക്ഷിതാക്കള് കണ്ടു. ഗുരുവിന്റെ മകന് പിന്നീട് മത്സരിക്കേണ്ടെന്ന് തീരുമാനിച്ചെങ്കിലും ദേവന് തന്റെ തീരുമാനത്തില് ഉറച്ചുനിന്നു.
താന് തുള്ളലില് മാത്രമേ ഉള്ളൂവെന്ന് അറിയിച്ചു. വടക്കുംതല എസ്.വി.പി.എം.എച്ച്.എസ്.എസിലാണ് ദേവന് പഠിക്കുന്നത്.
Content Highlights: kerala school kalolsavam ottan thullal devavrathan