ഓരോ രാജ്യത്തും ഓരോ നിയമങ്ങൾ, വിദേശത്ത് നഴ്സിങ് ജോലി തേടുംമുമ്പ് അറിഞ്ഞിരിക്കാം ഇക്കാര്യങ്ങൾ

ആശുപത്രിയിലെ ജോലിക്കിടയിൽ ഞാൻ ഏറ്റവും അത്ഭുതത്തോടെ നോക്കിക്കണ്ടിരുന്ന ഒരു വിഭാഗമാണ് നഴ്സുമാർ. അവർ ചെയ്യുന്ന ജോലി മറ്റാരെക്കൊണ്ട് ചെയ്യാൻ കഴിയുമെന്ന് അന്തിച്ചിട്ടുണ്ട്. ഒരു വാർഡ് അല്ലെങ്കിൽ ഐ.സി.യു, അതിലെ മുഴുവൻ രോഗികളും... അതിന്റെ മുഴുവൻ ഉത്തരവാദിത്തവും അവിടെയുള്ള നാലോ അഞ്ചോ നഴ്സുമാർക്കാണ്. അതിലൊരു രോഗി ഉറക്കെ വിളിച്ചാൽ, കരഞ്ഞാൽ, ആവശ്യങ്ങൾ പറഞ്ഞാൽ, എന്തിന് ശ്വാസത്തിന്റെ ഗതിയൊന്നു മാറിയാൽ പോലും ഓടി അരികിലെത്തുന്നവർ.

പിന്നീട് നഴ്സിംഗ് എന്നാൽ വിദേശത്തേക്കുള്ള ടിക്കറ്റ് ആയി മാറി... എന്നാൽ അന്നും ആ ജോലിക്ക് കൂലിയായി അവർക്ക്‌ കിട്ടിയിരുന്നത് തുച്ഛമായ ശമ്പളവും അതിനേക്കാൾ കുറഞ്ഞ ബഹുമാനവുമായിരുന്നു. നഴ്സിംഗ് സംഘടനകൾ ശക്തമായതും വിദേശങ്ങളിൽ ആരോഗ്യരംഗത്തുണ്ടായ കുതിപ്പും ഈ ചിത്രം പാടെ മാറ്റി. ചെയ്യുന്ന ജോലിക്ക് അർഹമായ കൂലി മാത്രമല്ല, ഇത്ര രോഗികൾക്ക് ഒരു നഴ്സ് എന്ന അനുപാതവും ജോലിക്ക് സമയക്രമവും നിശ്ചയിക്കപ്പെട്ടു. നാട്ടിലും വിദേശത്തും ജോലിസാധ്യത ഏറ്റവുമേറിയ കോഴ്സായി മാറി നഴ്സിംഗ്. വിദേശജോലിയുള്ള നഴ്സുമാർക്ക്‌ സമൂഹത്തിൽ പ്രാധാന്യവും ബഹുമാനവുമേറി. ഇന്ത്യൻ നഴ്സുമാരുടെ സേവനപാടവവും, ആത്മാർഥയും അതിലുപരി പ്രതിസന്ധിഘട്ടങ്ങളെ കൈകാര്യം ചെയ്യാനുള്ള കഴിവും ലോകശ്രദ്ധ പിടിച്ചു പറ്റിയത് അതിവേഗമാണ്. 

Content Highlights: things you should know before applying for nursing jobs abroad