'ഹിമാലയത്തില് നിർമിച്ച ടണലിനേക്കാൾ സുരക്ഷിതം'; വയനാട് തുരങ്കപാത അറിയേണ്ടതെല്ലാം
കഴിഞ്ഞ കുറേ ദിവസമായി ഒറ്റപ്പെട്ടൊരു തുരുത്താണ് വയനാട്. താമരശ്ശേരി ചുരത്തില് മണ്ണിടിഞ്ഞതോടെ വഴിയടഞ്ഞുപോയി പലവഴികള്തേടി ഒടുക്കം മണിക്കൂറുകള് റോഡില് കുരുങ്ങിക്കിടക്കുന്ന വയനാട്ടുകാര്ക്ക് തുരങ്കപാത കേവലം ഒരു വികസനപദ്ധതിയല്ല. വൈകാരികമായി നോക്കിക്കാണുന്ന പ്രതീക്ഷയാണ്. കോഴിക്കോട് മെഡിക്കല് കോളേജും അത്യാധുനിക സ്വകാര്യാശുപത്രികളുംതന്നെയാണ് ഇന്നും വിദഗ്ധചികിത്സയ്ക്ക് വയനാട്ടുകാര്ക്ക് ആശ്രയം.
റെയില്വേ, വിമാനത്താവളം എന്നിവിടങ്ങളിലേക്കുള്ള യാത്രയ്ക്കും ഉന്നതപഠനത്തിനും ജോലിയാവശ്യങ്ങള്ക്കും നിരന്തരം ചുരമിറങ്ങുന്നവരാണ് വയനാട്ടുകാര്. ബദല്പ്പാതയെന്ന ഈ നാടിന്റെ ആവശ്യത്തിന് പതിറ്റാണ്ടുകളുടെ പഴക്കമുണ്ട്. പലകുറി തട്ടിത്തടഞ്ഞുവീണ പല പദ്ധതികള്ക്കുമുന്പില് മേപ്പാടി തുരങ്കപാത ഉദ്ഘാടനത്തിനൊരുങ്ങുമ്പോള് തുറക്കുന്നത് വികസനസ്വപ്നങ്ങളുടെ കവാടംകൂടിയാണ്.
Content Highlights: The Wayanad tunnel road promises to revolutionize connectivity, boost tourism