അകത്തളത്തിലെ ചെടിസമൃദ്ധിക്ക് സര്ക്കാര് പുരസ്കാരം
അജ്മാന്: വീട്ടിനുള്ളില് മനോഹരമായ പച്ചപ്പുകള് സൃഷ്ടിച്ചതിന് മലയാളി വീട്ടമ്മയ്ക്ക് അജ്മാന് സര്ക്കാരിന്റെ പുരസ്കാരം. തൃശ്ശൂര് കുന്നംകുളം സ്വദേശിനി ബേനസീര് ഫക്രുദ്ദീനാണ് അജ്മാന് മുനിസിപ്പാലിറ്റി പ്ലാനിങ് ഡിപ്പാര്ട്ട്മെന്റിന്റെ 16-ാമത് 'അജ്മാന് അഗ്രികള്ച്ചറല്' പുരസ്കാരത്തിനര്ഹയായത്.
ഏറ്റവും മികച്ചരീതിയില് ഇന്ഡോര് പ്ലാന്റ് തയ്യാറാക്കിയതിനായിരുന്നു ഈവര്ഷത്തെ മുനിസിപ്പാലിറ്റിയുടെ പുരസ്കാരം ബേനസീറിനെ തേടിയെത്തിയത്. ഹരിതസമൃദ്ധിയും ഉദ്യാനപാലനവും പ്രോത്സാഹിപ്പിക്കാനായി വര്ഷംതോറും അജ്മാന് മുനിസിപ്പാലിറ്റി ഇത്തരത്തില് അര്ഹരായവര്ക്ക് അഗ്രികള്ച്ചറല് പുരസ്കാരങ്ങള് സമ്മാനിക്കുന്നുണ്ട്. പുരസ്കാരത്തിനായി ഓണ്ലൈനില് ബേനസീറിന്റെ അപേക്ഷ സ്വീകരിച്ച മുനിസിപ്പാലിറ്റി അധികൃതര് വീട്ടിലെത്തി ചെടികള് പരിശോധിച്ച ശേഷമായിരുന്നു പുരസ്കാരം പ്രഖ്യാപിച്ചത്. 3.000 ദിര്ഹം, മെഡല്, സര്ട്ടിഫിക്കറ്റ് എന്നിവയടങ്ങിയ പുരസ്കാരം ബേനസീര് മുനിസിപ്പാലിറ്റി പ്ലാനിങ് ഡിപ്പാര്ട്ട്മെന്റ് അധികൃതരില് നിന്നും സ്വീകരിച്ചു.
Content Highlights: Ajman Award for Indoor Gardening